9 وقفات هامة قبل اعطاء الدواء والمضاد الحيوي للاطفال

1- السنتيمتر المكعب هو والله نفسه المللي لتر يعنى هو نفسه اللى ع السرنجه سواء كانت 3 او 5 او اى كان مقاسها يعنى لما الدكتور يكتب 3 مللى لتر مثلا هى نفسها 3 سنتيمتر مكعب يعنى تجيبى السرنجه 3 سم وتعايرها وتديها للطفل بالفم بعد ما نشيل سن الابره طبعا منها  

2 - اى مضاد حيوى شرب ف الدنيا لازم علشان يشتغل بياخذ 48 ساعه يعنى يومين كاملين مش هتلاقى اى نتيجه فيهم ع الطفل فلازم نصبر شويه لما المضاد يشتغل ويدى المفعول بتاعه مش ع طول تروحى للصيدلى او تغيرى الدكتور وتلاقيكى ف النهايه بتدى ابنك كذا مضاد حيوى ف النهايه

فلازم الصبر

3  - اغلب الامراض ف عمر السنه للطفل بتكون فيروسيه 

فلا استعجال للمضاد الحيوى وبالعكس وقتها هيكون ضرره اكتر من نفعه 

علينا بمزيلات الرشح وخوافض الحراره وادويه الكحه ولو مفيش تحسن يبقى الكشف افضل

4- لو طفلك عنده اسهال والدكتور كاتبله لبوس عادى جدا ومتستغربيش من كدا 

لانها لو بس قعدت تلت ساعه من غير اسهال والطفل بعد كدا نزلها هيكون تمام وقتها والجسم استفاد منها لكن لو الطفل من اول ما تديه لبوس بيعمل للطفل stimulation وبينزل ع طول 

فوقتها لابد من دواء الشرب

5 - لو طفلك بيعانى من انيميا الفول ممنوع وقتها استخدام اى خوافض للحراره معاه ويكون الامان فقط ف حالته هو 

الباراسيتامول 

او ميفينمك اسيد

6- لو طفلك بيخنفر ونفسه مكتوم ومش عارف يرضع بنستخدم وقتها نقط محلول ملح للانف وجرعتها استخدميها وقت ما تحبى مفيش ضرر منها وتسمى 

lyse or otrivin baby saline 

دا غير كمان ف بخاخات ماء البحر جميله بردو ذى فرى نوز وفيزومير وغيرها 

ويفضل استخدامها قبل الرضاعه 

علشان تفتحى انف طفلك ويعرف ياخد نفسه ويرضع كويس

لكن بنضطر ف الحالات الشديده من نزلات البرد والاحتقان الشديد ف الانف اننا بنستخدم 

otrivin or afirin childen 

فوق الست شهور من العمر وفيه مدارس بتقول ممنوعه قبل سنتين

وهى عباره عن قطرات مزيله للاحتقان الانف 

ولكن وقتها بنستخدمها لمده 5 ايام فقط فقط بالكتير خالص 7 ايام وجرعتها نقطه او نقطتين بكل فتحه انف 

وبعد الأسبوع ما بيخلص بنرجع تانى لمحلول الملح المعقم تجنبا لحدوث atrophic rhinitis

ومشاكل اخرى للغشاء المخاطى المبطن للانف واحنا فى غنى عنها

7 - ممنوع منعا باتا استخدام الاسبرين ف الاطفال اى كانت صورته اقراص او حقن او حتى لبوس وخاصه ف العدوى فيروسيه قبل سنتين وفيه مدارس بتقول ممنوع الاسبرين لغايه 16 سنه 

حتى اسبوسيد الاطفال اللى اسمه اطفال ممنوع اطلاقا وياريت الشركه تغير الاسم دا خالص 

خوفا من حصول reys syndrome 

ووقتها الطفل هيدخل ف اعتلال دماغى والكبد نفسه بيضرب ووقت ما تحصل المشكله دى مش هترجع تانى لانها irreversibile 

وبالتالى وقتها الطفل هيتوفاه الله 

حقيقه مشفتهاش قدامى الحاله دى لكن سمعتها من دكاتره اخرون وحصلت معاهم فبلاش الاسبرين قبل 16 سنه وفيه كتب كاتبه لغايه 18 سنه كمان 

فبلاش افضل وخلينا ف الامان وحبيب الاطفال الا وهى ماده الباراسيتامول

8 - لو فيه دور برد للطفل او حتى لاى شخص كبير 

بلاش نتبرع وندى الاشخاص الكبيره حقن الديكسا

او تتبرعى من نفسك يا ست الكل وتجيبى علب الكوريتزون ذى الابيدون وخلافه وتديها لطفلك 

لان بكدا هتوقعى مناعتك طفلك اكتر وهتاخدى اضرار اكتر من فوائد 

ياريت نخلى جهاز المناعه يشتغل ونديه الفرصه

9 - منتشر جدا حالات ال Croup اليومين دول 

تلاقى الطفل بدا بخنفره مع رشح وبعد شويه تسمعى صوت غريب 

ويلم الشقه كلها كانه بالظبط بيتخنق لان ببساطه حصله التهاب ف الحنجره 

وقتها الصيدليه مش هتفيدك 

لازم تتوجهى لاقرب مستشفى لاخذ جلسات ادرينالين مع محلول الملح عن طريق الاستنشاق 

ونداء لاى طبيب اطفال بلاش نبدا بحقن الديكسا ف البدايه لان الالام الحقنه هيقفل الحنجره عنده اكتر 

خليك ف الجلسات الاول وعالج التهاب الحنجره وريح الطفل وبعد كدا فكر ف الحقن.

===

الباش حكيم