جميع خطط الـ English (خطة المبتدئين + المتوسطين + المدرسين + المترجمين + TOEFL + IELTS )
كل خطط الـ #English اللي نزلها مستر Michael youssef
(خطة المبتدئين + المتوسطين + المدرسين + المترجمين + TOEFL + IELTS )
الأول هتعمل الامتحان ده وحله في أقل من 20 دقيقة علشان تعرف مستواك
لو جبت أقل من 50% اعمل خطة المبتدئين، أكتر من كده ( مثلاً 70%) اعمل خطة المستوى المتوسط، لكن ما بين الإتنين ممكن تراجع علي خطة المبتدئين بشكل سريع قبل خطة المتوسطين
خطة #المبتدئين
الخطـــــــة
في البداية لازم اقولك ان مفيش حاجة هتعملها و تنجح فيها بدون تعب ، لازم تتعب و تجتهد علشان توصل. الخطة دي مدتها اربع شهور و هتذاكر كل يوم من ساعتين الي 3 يوميا علشان توصل انك تفهم اللغة الانجليزية و تضع اساس قوي. سواء قررت تاخد كورسات او تذاكر لوحدك عمرك ما هتتعلم غير بالصبر و الاجتهاد و الاستمرار.
اقرأ الملاحظات دي اكتر من مرة قبل ما تفكر تبدا الخطة (الموضوع مش موضوع كتب ولكن ازاي تذاكر الكتب دي باقصي استفادة)
مفيش كورس هيعلمك من غير ما تذاكر و لو نفذت الخطة زي ما هشرح كانك اخدت 4 مستويات في الدورات بدون ما تدفع مليم.
محتاج 3 كتب هتلاقي رابط لهم في الخطة هنا و ممكن تروح تطبعهم عند اي مكتبة امام جامعة القاهرة مش هيتكلفوا اكتر من 150 جنيه.
هتحتاج قاموس انجليزي عربي و اخر انجليزي انجليزي ، انا رفعت قبل كدا قاموس اكسفورد للاندرويد و لونجمان للكمبيوتر و صخر كمان ولكن لو هتستخدم موبايل يبقي دور علي حاجة مناسبة هتلاقي كتير.
اوعي ابدا تترجم جمل بالقاموس حتي لو هو فيه الخاصية دي (زي مترجم جوجل) لان الكمبيوتر مش بيفكر و بنسبة كبيرة الجمل هتبقي ترجمتها مش صحيحة.
الموضوع كله ازاي تذاكر اكتر من انه تذاكر ايه ، يعني ممكن يبقي عندك الف كتاب انجليزي و مش عارف تبدا ازاي ، ركز هنا علشان تعرف ايه المطلوب منك تعمله في الاربع شهور.
اعرف ان مفيش محادثة بدون جرامر ابدا ، يعني اي حد بيعلمك ويقولك دورات محادثة بدون جرامر يبقي بيضحك عليك ، مش هتعرف تتكلم بدون جرامر ابدا يعني هو الاساس.
اغلب الناس بتقول انهم مستواهم متوسط في اللغة وبلاقي انهم مبتدئين ، قواعد جرامر كتير بسيطة مش يعرفوها بالتالي افضل ان الناس كلها تضع اساس سليم علشان تعرف تطور اللغة بتاعتها صح.
هل هتقول مش هعرف اذاكر لوحدي ولازم حد يشجعني يبقي مش هتذاكر عمرك ، اتعب في اول خطة و بعد كدا هتستريح في اللغة و هتستمر
في البداية مش هتفهم اي حاجة و هتمر بمرحلة “صدمة” مع اللغة الانجليزية ، المرحلة دي ممكن تاخد شهر و بعد كدا هتلاقي الدنيا بدأت توضح المهم انك تستمر و تعرف انك مش هتفهم اي حاجة في البداية
مهمتك في البداية انك تحاول تفهم و تحفظ كلمات و تنطق كل كلمة خمس مرات مع قاموس ناطق ، يعني هتترجم كل كلمة الي العربية (و دا شيء صعب في البداية) و تنطقها في قاموس انجليزي كام مرة.
انت مش طالب ، يعني مش هتذاكر الخطة علشان تدخل امتحان في الاخر ولكن علشان تتعلم انجليزي و تعرف تعبر عن نفسك و تستخدمه صح.
الكتب مليانة جمل كتير سواء في التدريبات او الشرح ، بعد لما تنطق الكلمات لوحدها انطق الجمل نفسها انطق كل جملة خمس مرات و قولها بصوت مش تذاكر بدون صوت يعني.
اول خطوة (اول شهر) هو الاصعب فاستحمله لانك هتترجم كل كلمة وبعد كدا هتلاقي الكلمات بتتكرر و بدل ما هتترجم الصفحة كلها هتلاقي نفسك بتترجم 50% ثم 30% ثم 20% و هكذا
خلي الانجليزي جزء من حياتك اليومية و دا شيء مهم جدا ، يعني كل لما تلاقي نفسك فاضي كرر الجمل ، بتكلم اصدقائك استخدم معاهم اي جمل اتعلمتها ، بتكتب مشاركة علي الفيس بوك اكتب اي جملة اتعلمتها و هكذا.
اعمل كشكول للكلمات مرتب ابجديا ، يعني مثلا كل حرف
A B C D E
خمس صفحات ، قسم الصفحة اربع اعمدة و اكتب اي كلمة تقابلك في الكتب بترجمتها فيه.
بلاش تحفظ كلمات بالكتابة لان دا تضييع وقت ، ممكن تعمل حاجة احسن و هو انك تقرأ الكلمات الجديدة و تنطقها مع القاموس و عادي انك تنسي ، تعال بليل اقراها تاني و يوم في الاسبوع اقرأ كل كلمات الكشكول ولو مرة بس.
مش هتفهم من البداية لان الصورة الكبيرة مش في ذهنك لسا ، ممكن تفضل شهر كل وظيفتك انك بتترجم كلمات و تنطقها بس و “بتحاول تفهم” و تيجي تقرأ حاجة تلاقي نفسك بدأت تفهم و الموضوع اتحسن ، المهم تستمر و تجتهد.
في اول شهر مش هتحل تدريبات خالص ، هتذاكر الكلمات و النطق و تكرر اي جملة تقابلك فقط ، بعد كدا هتحل التدريبات.
لما تحل التدريبات في الكتابين
Essential Grammar in Use
English Vocabulary in Use
هتلاقي الاجابات في اخر الكتاب ، شوف الحل الصحيح ولكن الاهم انك بعد لما تتأكد من الاجابة هو انك تنطق الجمل كلها كل جملة خمس مرات و الموضوع دا مهم جدا لاكتساب اللغة. مهم جدا تقرأ رأس السؤال و تترجم كل كلمة و تفهم ايه المطلوب.
جدول الخطة الاسبوعي
دلوقتي هقولك تذاكر ايه و ازاي بالترتيب ولازم تعمل الترتيب دا زي ما هشرحه بالظبط ، هيبقي اسبوعي مقسم الي 12 اسبوع
الاسبوع الاول ———————–
من كتاب
English Vocabulary in Use
Unit 3 Parts of the body
Unit 4 Clothes
Unit 11 In the kitchen
Unit 12 in the bedroom and bathroom
Unit 14 Jobs
Unit 13 In the living room
Unit 15 At school and University
Unit 25 Countries and nationalities
من كتاب
Basic English Grammar
Unit 3 Nouns
زي ماقولت مش هتحل تدريبات ، انت بس هتترجم الكلمات الي العربية (بلاش تترجم جمل خالص) و تنطقها في قاموس انجليزي و تحاول تفهم. المفروض ال 8 وحدات من اول كتاب عبارة عن 8 صفحات يعني ممكن تاخد كل يوم اتنين و تسيب 3 ايام للفصل الثالث من تاني كتاب و هو كبير شوية لانه عن الاسماء.
الاسبوع الثاني——————–—-
من كتاب
Essential English Grammar
الاول محتاج تشوف ازاي بنختصر حاجة زي
I am
الي
I’m
مش لازم تفهم كل حاجة زي ما اتفقنا بس مهم تفهم دي دلوقتي ، هتبدأ بالملحق الرابع باخر الكتاب
Appendix 4
وبعدين الوحدات دي بالترتيب
64
65
66
67
68
69
الوحدات عبارة عن صفحة واحدة بس و زي ما اتفقنا اول شهر مفيش فيه حل تدريبات يعني مش هتحل التدريبات دلوقتي. ممكن تاخد كل يوم وحدتين يعني هتخلصهم في 3 ايام بس.
من كتاب
English Vocabulary in Use
Unit 29 Animals
Unit 8 Conversations 1: Greetings and wishes
الوحدتين دول هتخلصهم في يومين خلي بالك انا عايز تنطق كل كلمة خمس مرات و تعرف معناها بالعربي و تنطق الجمل كمان خمس مرات.
من كتاب
Basic English Grammar
Unit 4 Pronouns
الوحدة دي تاخد منك يوم او اتنين بالكتير.
الاسبوع الثالث——————––
من كتاب
Basic English Grammar
Unit 7 Verbs and Tenses
دي وحدة الافعال و الازمنة و هي 30 صفحة هتبقي الاسبوع كله و مش تتوقع انك هتفهم كل حاجة زي ما قلت قبل كدا ، ولكن اجهتد و ترجم و اصبر.
هتاخد معاها في نفس الاسبوع
Essential English Grammar
Unit 92
الاسبوع الرابع——————–—
من كتاب
English Vocabulary in Use
Unit 17 Holidays
Unit 18 Shops and shopping
Unit 19 In a hotel
Unit 20 Eating out
خلصهم في يومين لانهم اربع صفحات بس
من كتاب
Essential English Grammar
Unit 1 and 2
هتخلصهم في يوم
من كتاب
Basic English Grammar
Unit 5 Adjectives
خلص الوحدة في 3 ايام
باقي في الاسبوع يوم ، اقرأ فيه الوحدات السابقة علي قد ما تقدر ويفضل اليوم دا تذاكر اكتر من 3 ساعات لو تقدر انت هتقرأ بس مش هتعمل حاجة تانية.
—————-الاسبوع الخامس
انت كدا ذاكرت 26 وحدة ، المفروض الاسبوع دا كله تحل التدريبات بتاعتهم ، ممكن تلاقي نفسك مش فاكر حرف من اي حاجة ، طبيعي جدا لانك لسا في اول خطوة في اللغة متقلقش اعمل العليك. ممكن كل يوم تحل تدريبات 2-3 وحدات بس اهم شيء انك تنطق كل الكلمات في قاموس ناطق و تنطق الجمل بعد لما تعرف الاجابة الصحيحة. مش هتفهم كل حاجة طبعا لانك بدأت من نقطة البداية ولوحدك ، اصبر و كله هيتفهم مع الوقت و المذاكرة المهم تستمر انا بطمنك انك لو استمريت هتفهم و هتبقي تمام.
————–الاسبوع السادس
من كتاب
Essential English Grammar
Unit 5, 6, 7, 23, 24, 39, 42, 56 and 57
المفروض انت كدا بقالك اكتر من شهر بتذاكر يعني الموضوع بدأ يتحسن معاك ، خلص ال 9 وحدات بالتدريبات وبالنطق في اربع ايام.
من كتاب
Basic English Grammar
Unit 6 Determiners
خلصها في يوم بالتدريبات هي 6 صفحات
من كتاب
English Vocabulary in Use
Unit 21 Sports
Unit 22 Cinema
Unit 24 Music and musical instruments
Unit 26 Weather
خلصهم في يومين بالتدريبات
—————–الاسبوع السابع
من كتاب
Essential English Grammar
Units 3, 4, 8, 26, 27, 36, 38 and 50
خلصهم بالتدريبات و النطق في اربع ايام
من كتاب
Basic English Grammar
Unit 8 Subject-verb agreement
Unit 9 Adverbs
خلصهم في يومين
من كتاب
English Vocabulary in Use
Unit 50 Days, months, seasons
Unit 51 Time words
خلصهم في يوم
———————-الاسبوع الثامن
من كتاب
Basic English Grammar
Unit 13 Sentences
Unit 11 Conjunctions
خلصهم علي يومين
من كتاب
Essential English Grammar
Units 9, 10, 11 and 12
خلصهم علي يومين
من كتاب
English Vocabulary in Use
Units 48 and 49
يوم واحد بس
من كتاب
Essential English Grammar
Units 15, 16, 17, 18 and 20
يومين
——————الاسبوع التاسع
من كتاب
Basic English Grammar
Unit 10 Prepositions
من كتاب
Essential English Grammar
Units 99, 100 and 101
خلصهم في يومين
من كتاب
English Vocabulary in Use
Units 13 and 14
خلصهم في يوم
من كتاب
Essential English Grammar
Units 25, 43, 44, 45, 46, 47 and 48
خلصهم في اربع ايام
———————–الاسبوع العاشر
من كتاب
English Vocabulary in Use
Units, 36, 37, 38, 39, 40 and 41
خلصهم في 3 ايام
من كتاب
Essential English Grammar
Units 28, 29, 30, 31, 32, 33 and 34
خلصهم في اربع ايام
———————-الاسبوع الحادي عشر
من كتاب
English Vocabulary in Use
Units 42, 43, 44, 45, 46 and 47
خلصهم في 3 ايام
من كتاب
Essential English Grammar
Units 19, 40, 49, 21, 22, 50, 51 and 52
اربع ايام
——————الاسبوع الثاني عشر
من كتاب
English Vocabulary in Use
Units 30, 33, 34, 35, 54, 55, 56 and 57
من كتاب
Essential English Grammar
35, 53, 58, 59, 61, 62, 63 and 73
بكدا انت بدأت مشوار تعلم اللغة الانجليزية ولو نفذت الخطة فعلا هيبقي مستواك كويس ولكن هيبقي مستواك متوسط و طبعا علي حسب مجهودك.
كتب الخطة هنا
و علي Google Drive
لو الكتب مش عايزة تنزل جرب جوجل كروم من الموبايل او نزلها علي الكمبيوتر.
انت مش هتخلص الكتب من الاول للاخر عموما في الاربع شهور ، انا عملتلك جدول فعال و هتلاقي الحاجة بتتكرر اكتر من مرة علشان لو مش فاهم من دي تفهم من دي. هحاول ان شاء الله ابدأ من اجازة نصف السنة بمشاركات عن الخطة سواء الكلمات او التعبيرات او القواعد علشان تشجع الناس.
رابط قاموس اكسفورد
تحديث: الاستاذة Asmaa Mohammed ترجمت الكتاب Basic English Grammar Book 1
ربنا يوفقكم و فيه خطط تانية في المستقبل القريب.
اشتركوا في قناتي علي youtube و انتظروا العديد من الفيديوهات
كورس مدته ساعتين بس بجانب خطة المبتدئين
كورس سهل فيديو علشان تتعلم النطق بشكل
Udemy – Perfect English Pronunciation Practice
فك الضغط ب RAR علي الاندرويد و iZip علي ايفون و Winrar علي الويندوز. الكورس بيعلمك النطق بشكل لذيذ و بسيط و هتاخده بجانب خطة المبتدئين ممكن تتفرج عليه 4 مرات مثلا مرة كل اسبوع. مش مهم تفهم الكلمات الجديدة ركز علي النطق بس.
===================
خطة #المتوسطين
خطة المستوي المتوسط 2017
الخطة للناس تحت المستوي المتوسط في اللغة الانجليزية علشان يطلعوا مستوي فوق المتوسط. الخطة دي هتوفرلك علي الاقل 6000 جنيه في كورسات ملهاش اي فايدة و هتقوي اللغة عندك في خمس شهور. الموضوع محتاج صبر و اجتهاد و التزام بالجدول و ربنا هيوفقك اكيد لو تعبت.
مين ممكن يقول علي نفسه مستواه متوسط؟
لو بتعرف قواعد جرامر زي الازمنة و لكن مش عارف تستخدمها ، لو بتعرف انواع الاسماء و الصفات و الحال ، لو عندك حصيلة كلمات و بتقدر تتكلم ولكن حاسس انك مش عارف تعبر عن نفسك كويس ، لو بتعرف تقرا و تسمع انجليزي و تفهم ولكن مش اوي. عموما الخطة مرتبة بشكل ان الشيء هيتكرر مرة و اتنين و جايز ثلاثة و هتفهم هتفهم متقلقش.
الخطة هتاخدخمس شهور مذاكرة كل يوم من ساعتين الي 3 ساعات. فيه 4 كتب في الخطة تم رفعهم علي جوجل درايف و ميديافاير (ملحوظة لو هتستخدم الموبايل علشان تحمل الكتب من الميديافاير استخدم متصفح كروم) الروابط كلها في اخر الخطة
English Vocabulary in Use Pre-intermediate and Intermediate
English Vocabulary in Use Upper-intermediate
English Grammar in Use Intermediate
English Phrasal Verbs in Use
خالي بالك كويس جدا ان الموضوع مش انك تمسك كتاب و تذاكره لان ناس كتير ذاكروا و مستواهم مش اتحسن ، المهم ازاي تذاكر و تعمل ايه و هي دي الخطة. ياريت تقرأ الخطة اكتر من مرة و مش تكسل لانك لو كسلت تقرأ اربع صفحات عربي هتذاكر ازاي كام كتاب بالانجليزي؟
اهداف الخطة:
1 انك تتعلم اكتر من 2000 كلمة و تعبير و جملة جديدة
2 انك تتعلم استخدام الجرامر (مش مجرد تعرف القاعدة و مش تعرف تستخدمها)
3 انك تتعلم افعال مركبة و متلازمات لفظية و عبارات اصطلاحية تفيدك في التعبير عن نفسك و انك تقدر تتكلم في اي موضوع عايزه بطلاقة
4 انك تكون جاهز لامتحانات زي الايلتس و التوفل بعد الخطة بمجرد انك تذاكر كتاب عن الامتحان بس
5 انك تتكلم و تكتب انجليزي كويس و لوحدك بدون كورسات او مساعدة من حد
6 و اهم شيء انك تتعلم ازاي تذاكر و تنجح في حياتك و الخطة مش هتفيدك في الانجليزي بس ولكن ممكن تساعدك في حاجات كتير
الخطة مش هتمشي بترتيب الوحدات زي ما هما في الكتاب ، انا هعمل ترتيب مختلف اكثر افادة لكم و لازم تمشي عليه. هتحتاج قاموس ناطق و انا افضل قاموس اكسفورد (انجليزي انجليزي) علي الاندرويد لانه بينطق الكلمات بالامريكي و البريطاني ولكن فيه ميزة مش موجودة في اي قاموس تاني و هي انه بينطق جمل مخزنة عليه (مش هينفع تكتبله جمل وينطقها). القاموس هيفيدك جدا لما تتمرن معاه يوميا علي نطق جمل كاملة و دا هيقوي التحدث و الاستماع طبعا بجانب مذاكرتك في الخطة. انطق معاه من 30 دقيقة الي 60 دقيقة يوميا كلمات و جمل ، انطق كل كلمة و جملة خمس مرات و فيه خاصية انك تسجل و صوتك و تسمع نقطك و دا شيء مفيد جدا علشان تقارنها بنطق القاموس. اختار اي كلمات تقابلك سواء عارفها او لا. الرابط في اخر الخطة و هو بيشتغل علي الاندرويد فقط و مش عندي رابط للايفون و نسخة الكمبيوتر مش بتنطق الجمل.
البديل علي الويندوز هو قاموس لونجمان ولكن بينطق اغلب الجمل بالبريطاني و مش بينطق بالاتنين زي اكسفورد للاندرويد. الرابط بتاعه عندي علي الصفحة.
اختار قاموس انجليزي عربي (في رابط لقاموس صخر للويندوز علي صفحتي و مش عندي للاندرويد) وفيه منهم كتير و يفضل يبقي عندك اكتر من قاموس علشان تعرف معاني اكتر للكلمات.
انت هتترجم كل كلمة جديدة عليك و هتكتبها في كشكول مرتب ابجديا ، سيب لكل حرف خمس صفحات علشان هتترجم كلمات كتير. المفروض انك مش هتحفظ الكلمات بالكتابة (موضوع انك تكتب كل كلمة 100 مرة دا غلط و مضيعة للوقت) انت بس هتنطق الكلمة مع القاموس الانجليزي خمس مرات بعد لما تعرف معناها من قاموس انجليزي عربي و هتسجلها مرة في الكشكول. كل يوم بليل راجع عشر دقايق علي الكلمات الجديدة بتاعت اليوم و مرة في الاسبوع يوم الجمعة مثلا اقرأ الكشكول كله مجرد قراءة بس. كدا لو نسيت معني الكلمات هتفتكره و تاني ، وطبيعي جدا في البداية انك تنسي كتير متقلقش الموضوع بالممارسة هيتحسن جدا.
هيقابلك مشكلة ترجمة الافعال المركبة زي
Get on, get away, come along and put out
و كمان مشكلة في ترجمة التعبيرات
الكتب بتشرحلك بالانجليزي المعاني بتاعت الحاجات دي و علشان تنقل نفسك من مستوي تحت المتوسط الي مستوي فوق المتوسط و ممكن نقول قبل المتقدم لازم تتعب و تجتهد و تصبر و تحاول و تفهم الشرح بالانجليزي علشان هو دا “مرحلة الانتقال”. ممكن تترجم الافعال المركبة في البداية علي ترجمة جوجل مثلا ولكن مش هتبقي دقيقة و اوعي تترجم جمل كاملة علي جوجل لسببين: 1 مش دقيقة لان الكمبيوتر مش بيفكر و مش يقدر يترجم زينا ابدا 2 كدا عمرك ما هتتعلم انجليزي.
لازم تقرأ و تذاكر بصوت ، اي كلمة المفروض تنطقها في قاموس اكسفورد لغاية ما توصل للنطق السليم. اقرأ كل الجمل اكتر من مرة لان دا نوع من انواع ممارسة اللغة ، الكتب مليانة جمل من محادثات و جمل للكتابة بالانجليزية و بالتالي لما تقرأ بصوت انت بتمرن نفسك و تمارس اللغة.
الكتب مقسمة لوحدات مش فصول ، الوحدة صفحة شرح و صفحة تدريبات و في اخر الكتاب اجابة التدريبات.
كتابين الكلمات يتذاكروا ازاي
انا هرتبلك الوحدات بشكل مختلف علشان تحصل علي اقصي استفادة ممكنة من الموضوع بس لازم تذاكر بالشكل دا:
1 هتذاكر وحدة من كتاب المستوي قبل المتوسط وحدة من كتاب المستوي فوق المتوسط لما اقول في الجدول ، ذاكر صفحة الشرح من الكتابين الاول و بلاش تحل التدريبات و بعدين حل التدريبات بتاعت الوحدتين مع بعض.لكن لو مفيش تكمله للوحدة من كتاب فوق المتوسط هتذاكر عادي زي ما هقول في الجدول بس.
2 ترجم اي كلمة مش عارفها الي العربية و انطقها في قاموس اكسفورد ، اكتبها في الكشكول بتاعك.
3 هتلاقي الكتاب بيشرح الكلمات بالانجليزي افهم (مش تحفظ مفيش فيها حفظ خالص) المعني بالانجليزي و كرره بصوت ولازم تذاكر بصوت.
4 اكتب الامثلة بايدك في كشكول مرة او اتنين برده وانت بتقولها ، او علي الكمبيوتر مفيش مشكلة.
5 حل التدريبات الخاصة بالوحدتين من الكتابين بقلم رصاص ، وبعدين ارجع شوف الحل الصحيح من اخر الكتاب ، امسح اي حل غلط و اكتب الصح و انطق الجمل كلها مرتين (بس اهم شيء انك تكون عرفت النطق الصحيح من قاموس اكسفورد الاول)
6 مارس اللغة ، سواء هتستخدم الكلمات علي قاموس اكسفورد و تنطق الجمل المخزنة الخاصة بالكلمة او انك هتكتب مشاركة علي الفيس باستخدام الكلمات او انك تبعت ايميل او انك حتي مع اصدقائك تقول الجمل ، فيه طرق كتير.
7 بليل كل يوم افتح كشكول الكلمات و اقرأ منه علشان انت هتنسي كتير في البداية ، اقرأ بس ولو عشر دقايق قبل النوم مش هطلب منك كتير. و مرة اسبوعيا اقرأ الكشكول كله.
ملحوظة: محتاج تعرف كل الكلمة تيجي اسم و فعل و صفة ولا اسم بس ولا صفة بس ولا ايه و اكتب رموز بجانب المعني في الكشكول يعني مثلا
Wrong
بتيجي اسم و فعل و صفة و حال ، ممكن تكتبها كدا في الكشكول بتاعك
Wrong (n, v, adj, adv)
طبعا الاختصارات كالاتي
N = noun, v = verb, adj = adjective and adv = adverb
الموضوع ممكن يبقي صعب عليك في الاول علشان مستواك تحت المتوسط ولكن مع المذاكرة هتبقي تاخد بالك من الاستخدامات و دا شيء اخر ينقلك لمستوي فوق المتوسط.
لازم كمان مع الوقت تخمن النطق و المعني بتاع الكلمة قبل ما تشوفها في القاموس ، يعني لما تقابل كلمة جديدة خمن المعني من الجملة و حاول تخمن النطق و بعد كدا شوف في القاموس.
ان شاء الله هيبقي فيه فيديوهات ازاي تذاكر كل كتاب. و كمان في ناس كتير عملوا اكتر من جروب باسم الخطة علشان يشجعوا بعض و بيضيفوا اصدقائهم و دا شيء مشجع بصراحة و يفضل الجروب يبقي اقل من 100 عضو عارفين بعض علشان يبقي فيه تفاعل اكتر بينهم
ازاي تذاكر كتاب الجرامر
نفس الشيء الوحدات صفحتين صفحة شرح و صفحة تدريبات و الحل في اخر الكتاب ، هرتب الوحدات بشكل مختلف عن الكتاب و انت محتاج تنطق كل كلمة و في شيء ضروري لازم تعمله من اول يوم وهو انك تعرف تصنيف الكلمات ايه ، يعني مثلا
Are you hungry?
الثلاث كلمات دول ايه؟ فعل و اسم و اسم؟ ولا صفة ولا حال ولا ايه بالظبط. و اي كلمة تشك فيها افتح قاموس انجليزي انجليزي زي اكسفورد و شوف هي صفة ولا اسم ولا فعل ولا حال ولا ايه.
حل التدريبات زي ما شرحت قبل كدا ، كمان مهم جدا انك تبدا تستخدم الجمل علطول يعني زي المثال السابق ممكن تسأل صديق لك هل هو جائع؟ اكتبها و انطقها و استخدمها. الخطة دي مش للمبتدئين يعني انت عارف جرامر و بالتالي المفروض انك مش هتتعب اوي في الكتاب ولكن محتاج تقرأ الوحدة مرة بسرعة في خمس دقايق و بعدين تقرأ مرة تانية تطلع الكلمات الجديدة و تترجمها و تنطقها و بعدين تقرأ مرة تالتة و تفهم الشرح و تفكرفيه.
ان شاء الله هنزل مشاركات عن الجرامر من الاول خالص هتبقي مفيدة للناس كلها بغض النظر عن المستوي ولكن انت هتعتمد علي نفسك في الخطة.
ازاي تذاكر كتاب الافعال المركبة
الافعال المركبة هي ضرورية علشان تتكلم انجليزي كويس و تكتب كمان و الكتاب فيه حوالي 1000 فعل مركب مقسمة علي 70 وحدة. الكتاب مليان جمل محادثات علشان محدش يقول الخطة مش بتقوي المحادثة ، المهم انك تنطق و تتمرن و تتكلم حتي لو هتتكلم مع نفسك المهم تنطق و تذاكر بصوت.
الوحدات بتقدملك الافعال المركبة مع الشرح و امثلة علي استخدمها و اي ملاحظات خاصة بالفعل وبعدين تدريبات.
وانت بتذاكر هتفتح قاموس زي اكسفورد او لونجمان (الروابط تحت) و تعمل بحث عن الفعل و بعدين تنزل تشوف الفعل المركب معناه ايه ، يعني لو مثلا لاقيت في الوحدة فعل زي
Make out
هتلاقي الشرح بيقول
Make someone out = understand why someone behaves as they do
و هتلاقي امثلة تحت في الوحدة ولكن انت لسا مش فاهم ، افتح القاموس و ابحث عن الفعل لوحده وبعدين انزل و دور علي الفعل المركب و شوف المعني و المثال هتفهم اكتر. الاسلوب دا هينقلك من مستوي تحت المتوسط لمستوي فوق المتوسط و قبل المتقدم و هيبقي مستواك اعلي من 90% من المدربين في اي مركز مع الوقت.
الجدول (هقسم الوحدات علي انك هتذاكر بنفس الترتيب التالي كل يوم 2-3 ساعات)
الاسبوع الاول————
يوم واحد
English Vocab Pre-intermediate
Unit 41 Countries, nationalities and language
English Vocab Upper-intermediate
Unit 35 Countries, nationalities and language
يوم واحد
English Vocab Pre-intermediate
Unit 38 Weather
English Vocab Upper-intermediate
Unit 36 Weather
يوم واحد
English Vocab Pre-intermediate
Unit 37 The physical world
English Vocab Upper-intermediate
Unit 51 the natural world
يوم واحد
English Grammar in Use
Unit 1 and 2
يوم واحد
Phrasal Verbs in Use
Units 1 and 2
يومين
English Vocab Pre-intermediate
Unit 39 Using the land
Unit 40 Animals and insects
English Vocab Upper-intermediate
Unit 42 Global Problems
Unit 49 The Environment
الاسبوع الثاني————
يوم واحد
Phrasal Verbs in Use
Unit 3
يومين
English Grammar in Use
Unit 3,4,5 and 6
اربع ايام
English Vocab Pre-intermediate
Unit 42 The body and what it does
Unit 43 Describing people’s appearance
Unit 45 Human feelings and actions
Unit 44 describing character
English Vocab Upper-intermediate
Unit 37 Describing people: appearance
Unit 38 Describing people: character
Unit 39 relationships
الاسبوع الثالث——————–
يوم
English Grammar in Use
Units 98 and 99
يوم
Phrasal Verbs in Use
Units 4 and 5
يوم
English Grammar in Use
Units 100 and 101
يوم
English Vocab Pre-intermediate
Unit 46 Family and friends
Unit 47 Ages and stages
3 ايام
English Grammar in Use
Units 7,8,9 and 10
Phrasal Verbs in Use
Units 6 and 7
الاسبوع الرابع————-
يوم
English Vocab Pre-intermediate
48 Daily routines
49 Homes and buildings
يومين
Unit 50 Around the home 1
Unit 51 Around the home 2
English Vocab Upper-intermediate
Unit 40 at home
اربع ايام
English Grammar in Use
Units 69, 70, 71, 72, 73, 74, 75 and 76
الاسبوع الخامس—————-
ثلاث ايام
English Grammar in Use
Units 77, 78, 79, 80 and 81
يوم
Phrasal Verbs in Use
Units 8 and 9
ثلاث ايام
English Vocab Pre-intermediate
Units 27, 28,29 and 30
الاسبوع السادس—————-
يوم
English Vocab Pre-intermediate
Units 31 and 32
يومين
English Vocab Upper-intermediate
Units 11, 12, 13 and 14
3 ايام
English Vocab Upper-intermediate
Units 29, 30, 31, 32, 33 and 34
يوم
Phrasal Verbs in Use
Units 10 and 11
الاسبوع السابع————
English Grammar in Use
Units 26, 27, 28, 29, 30, 31, 32, 33, 34, 35, 36 and 37
الاسبوع الثامن————
يوم
English Vocab Pre-intermediate
Unit 54 Health: illness and disease
Unit 55 Health: injuries
English Vocab Upper-intermediate
Unit 53 Health and medicine
يومين
Phrasal Verbs in Use
Units 12,13,14 and 15
اربع ايام
English Grammar in Use
Units 11, 12, 13, 14,15, 16, 17 and 18
الاسبوع التاسع——————––
3 ايام
English Vocab Pre-intermediate
Units 7, 8, 9, 10, 11 and 12
يومين
English Vocab Upper-intermediate
Units 8, 9, 10, 16 and 17
يومين
Phrasal Verbs in Use
Units 16, 17 and 18
الاسبوع العاشر——————––
خمس ايام
English Grammar in Use
Units, 82, 83, 84, 85, 86, 87, 88, 89, 90 and 91
يومين
English Vocab Pre-intermediate
Units 13, 14, 15, 16 and 17
الاسبوع الحادي عشر—————-
خمس ايام
English Vocab Pre-intermediate
Units 18, 19, 20, 21, 22, 23, 24, 25 and 26
يومين
Phrasal Verbs in Use
Units 19, 20 and 21
الاسبوع الثاني عشر—————-
4 ايام
English Grammar in Use
Units 19, 20, 21, 22, 23, 24 and 25
3 ايام
English Vocab Pre-intermediate
Units 33, 34, 35 and 36
الاسبوع الثالث عشر————–
اربع ايام
English Vocab Upper-intermediate
Units 21, 22, 23, 24, 25, 26, 27 and 28
ثلاث ايام
Phrasal Verbs in Use
Units 22, 23, 24 and 25
الاسبوع الرابع عشر ————–
English Grammar in Use
Units, 26, 27, 28, 29, 30, 31, 32, 33, 34, 35, 36 and 37
الاسبوع الخامس عشر————
3 ايام
English Vocab Pre-intermediate
Units 90, 91, 92, 93, 94 and 95
اربع ايام
English Vocab Upper-intermediate
Units 69, 70, 71, 72, 73, 74, 75, 76 and 77
الاسبوع السادس عشر——————-
English Grammar in Use
Units 38, 39, 40, 41, 42, 43, 44, 45, 47, 48, 49, 50, 51 and 52
الاسبوع السابع عشر—————-
English Vocab Upper-intermediate
Units 78, 79, 80, 81, 82, 83, 84, 85, 86, 87 and 88
الاسبوع الثامن عشر—————-
Phrasal Verbs in Use
Units 26, 27, 28, 29, 30, 31, 32, 33, 34 and 35
الاسبوع التاسع عشر ————–
English Grammar in Use
Units 53, 54, 55, 56, 57, 58, 59, 60, 61, 62, 63, 64, 65, 66, 67 and 68
الاسبوع العشرون —————-
English Grammar in Use
121, 122, 123, 124, 125, 126, 127, 128, 129, 130, 131, 132, 133, 134, 135 and 136
في البداية الموضوع هيبقي مش سهل ولكن بعد اول اسبوعين هتلاقي كل شوية الموضوع اسهل و هتلاقي استيعابك زاد مع كل شهر يعدي المهم تلتزم بالجدول و تذاكر كل يوم. احنا مش خلصنا كل الكتب كدا ولكن كنت مضطر التزم بوقت معين علشان الناس تنجز و تتعلم ، عموما التعلم عملية مش بتنتهي انت عايز توصل لمرحلة انك تتكلم و تكتب و تنطق كويس والخطة هتبقي مناسبة جدا لكدا في الوقت المتاح و ربنا يوفقكم جميعا.
كتب الخطة وقاموس اكسفورد
علي جوجل درايف
====================
- خطة #المدرسين
خطة مذاكرة لطلاب كلية تربية و مدرسي اللغة الانجليزية مقدمه من مايكل يوسف
خطة مذاكرة لطلاب كلية تربية و مدرسي اللغة الانجليزية
اولا الخطة هي اساس لو حد فيكم عايز ياخد شهادة متخصصة في التدريس سواء TEFL او CELTA ، كمان بفترض انك بتعرف انجليزي مش مبتدأ يعني. مش هقدر اقولك هتقدر تخلص الخطة في كام شهر لاني معرفش هتذاكر كام ساعة في اليوم و بتعمل ايه و انت بتذاكر ، مثلا فيه مدرس مستواه قوي جدا في الفهم ممكن يقرأ و يذاكر كتاب في اسبوع و شخص اخر ياخد 3 شهور. المهم “تبدأ صح و تبدأ بسرعة”. ولكن هعمل جدول للمبتدئين ، لو مستواك كويس هتمشي اسرع في الجدول.
اول حاجة الكتب بتاعت الخطة
The Teacher’s Grammar Book
Oxford Guide to English Grammar
English Prepositions Explained
Writing Academic English
Teach EFL The Complete Guide
How to Teach Pronunciation
How to Teach English
25 Biggest Mistakes Teachers Make and How to Avoid Them
خلي بالك ان الموضوع مش كتب و خلاص ، مكنش حد احتار ، الموضوع هو اسلوب مذاكرتك للكتب. قبل ما نتكلم عن مذاكرة الكتب لازم تجيب كشكول للكلمات الجديدة و كشكول اخر للتعبيرات الجديدة عليك ، لازم تنطق كل كلمة في قاموس زي اكسفورد لانك لو مدرس قوي بدون نطق انجليزي سليم تبقي مش مدرس. لو انت زي كتير من خريجي كليات التخصص مستواك في الانجليزي ضعيف يبقي هتتعب في البداية اوي بس النتيجة هتكون روعة و اضمن لك انك لو مشيت علي الخطة هتبقي مدرس ناجح و تقدر تسافر برا كمان. يبقي:
1- هتعمل كشكول للكلمات و هتنطق كل كلمة جديدة في قاموس انجليزي (الرابط في اخر المشاركة)
2- كشكول للتعبيرات الجديدة و الملاحظات زي الفرق بين استخدام المضارع التام و الماضي البسيط مثلا (و انا بنزل علي صفحتي كتير كمان)
3- ممكن الموضوع يوصل انك في البداية تترجم كل كلمة ، عادي مش عيب
و مش تيأس ، لازم تتعب علشان مستواك يبقي عالي في اللغة و التدريس.
4- في الاول هتترجم الكلمات في قاموس عربي من اختيارك لغاية ما تجمع حصيلة كلمات كويسة و تقدر تستخدم القاموس الانجليزي انجليزي.
الشهر الاول (مذاكرة لا تقل عن خمس ساعات يوميا)
The Teacher’s Grammar Book
الكتاب دا جميل جدا لانه بيعلمك تعلم الجرامر و كمان لا يفترض ان مستواك عالي فيه ، يعني مقدمة كويسة للموضوعين. انا اخترته في البداية قبل كتاب اكسفورد في الجرامر علشان تفهم ايه المطلوب منك كمدرس الاول وبعدين و انت بتذاكر جرامر تبقي عارف هتستخدمه ازاي في الفصل و في نفس الوقت بتقوي و توسع معرفتك.
الشهر الثاني و الثالث (مذاكرة لا تقل عن خمس ساعات يوميا)
Oxford Guide to English Grammar
الكتاب دا اكثر من رائع في الجرامر و هياخد منك علي الاقل شهرين مذاكرة ، عادي لو اخد حتي 3 شهور ، المهم تفهم انك مش مجرد بتقرأ الكتاب و خلاص ، لا انت بتذاكر و بتتعلم جمل جديدة ممكن تكتب زيها علشان يبقي فيه ممارسة و ممكن تنطقها في القاموس و ممكن تكون بتكتب ملاحظات علي كل حاجة اتعلمتها طول الطريق. الكتاب هيضع لك قاعدة قوية كمدرس في الجرامر و دا شيء مهم جدا لمهارات اللغة الاربعة.
الشهر الرابع (مذاكرة لا تقل عن خمس ساعات يوميا)
English Prepositions Explained
حروف الجر مشكلة لاغلب الناس ، مش بس لنا ولكن حتي لاهل اللغة ساعات. لازم كمدرس تبقي مستريح معاها جدا ، الكتاب صغير مش كبير ، محتاج تكتب كتير و تنطق في القاموس زي ما قولنا و تقرأ ما كتبته علشان تتعود علي الكلام بالانجليزي.
الشهر الخامس (مذاكرة لا تقل عن خمس ساعات يوميا)
Writing Academic English
كمدرس عايز يحترف المهنة و ياخد دورة متخصصة في التدريس زي TEFL او CELTA لازم بكل تأكيد تطور مهارة الكتابة عندك ، لان بيطلب منك اعتقد
four written assignments (each 1,000 words)
علي اي حال لازم كمدرس تكون عند المهارة انك تكتب صح علشان تعلم الطلاب مهارة الكتابة.
الشهر السادس (مذاكرة لا تقل عن خمس ساعات يوميا)
Teach EFL The Complete Guide
الكتاب دا هيعلمك ازاي تدرس انجليزي للطلاب و ازاي تدير الفصل و تعلم الطلاب عن طريق الامتحانات و تقيم مستواهم ، هيعلمك ازاي تدرسلهم القراءة ، الكتابة ، التحدث ، الاستماع. هيقولك علي الاخطاء الشائعة و هيعلمك كمان ازاي تحضر الدرس بشكل احترافي
الشهر السابع (مذاكرة لا تقل عن خمس ساعات يوميا)
How to Teach Pronunciation
من اسم الكتاب باين اوي انه هيعلمك اسلوب تشرح به النطق في اللغة الانجليزية للطلاب و في نفس الوقت انت هتتعلم ، ولكن خلي بالك انك من اول يوم بتنطق الكلمات في قاموس انجليزي انجليزي و لو متخصص في اللغة اكيد درست صوتيات في الكلية طبعا.
الشهر الثامن (مذاكرة لا تقل عن خمس ساعات يوميا)
How to Teach English
الكتاب دا رائع و هو شبيه بمواضيع Teach EFL شوية و لكنه بيتوسع ، الكتاب دا مهم جدا.
ممكن توقف الخطة عند الكتاب دا و انك كدا فعلا جاهز تشتغل في مدرسة خاصة او لغات او تستعد لشهادة TEFL او CELTA لو تخصصك انجليزي او لا مش مهم. لو معاك شهادة احترافية في التدريس هتشتغل في التدريس مفيش مشكلة. اخر كتاب هو
25 Biggest Mistakes Teachers Make and How to Avoid Them
انا شايف انه مهم لانه بيعلمك ايه هي الاخطاء بتاعت المدرسين ، مش في الانجليزي نفسه لالا ولكن كمدرس ، الكتاب مهم ولكنه غير مرتبط بالخطة ارتباط كبير ، المفروض كل المدرسين تقرأ الكتاب دا.
هل ممكن اذاكر الخطة في وقت اقل؟
طبعا ممكن بس الوقت هيزيد يعني عايز تفرغ كامل ، لو ذاكرت طول اليوم فعلا ممكن تخدها في خمس شهور مثلا.
رابط اهم قاموس انجليزي انجليزي بخطوات تثبيته
=====================
- خطة #المترجمين
ازاي تبقي مترجم محترف و معتمد (خطوات بالترتيب)
الموضوع فيه النقاط التالية: ابدأ صح ، اعرف اكتر ، ترجم، الشهادات و التخصص
المترجم هو شخص بينقل افكار من ثقافة الي اخري ، وليس شخص بيستخدم القاموس علشان يعرف معاني الكلمات و يكتبها في لغة تانية.
1- الخطوة الاولي ابدأ صح
هي المحددة لمصيرك اذا كنت هتكمل كمترجم ولا هتسيب المجال محتاج لغة انجليزية قوية جدا خصوصا مهاراتك في صياغة الجمل بشكل سليم و الكتابة و القواعد و الاستخدام اللغوي و التعبير ، احنا كمترجمين مش بنهتم باللكنة اوي و لكن باقي المهارات بنركز عليها جدا. هتلاقي ان 90% من المترجمين بيترجموا من انجليزي الي عربي و قليل جدا محترف في الترجمة الي الانجليزية. محتاج تدرس الكتب التالية بنفس الترتيب و الموضوع مش هياخد منك يومين انا بقولك ازاي تدخل كحد محترف في المهنة و خلي بالك انك مش طالب و مش هتذاكر الكتب علشان تحل كويس في الامتحان ، فكر في نفسك انك باحث محترف علشان الباحث مش بيذاكر ولكنه بيبحث عن المعلومة و دا فرق كبير (لو انت مبتدأ في اللغة الانجليزية مش هينفع تشتغل من الكتب دي ، شوف خطة المبتدئين بتاعتي الاول و بعدين المستوي المتوسط)
الكتب بالترتيب و مع الرابط علي جوجل درايف
Collins English Grammar
English Collocations in Use Advanced
English Idioms in Use Advanced
Longman Dictionary of Common Errors
Practical English Usage
الكتب دي هتاخد منك 6 شهور علي الاقل ، خلي بالك طريق الترجمة عايز حد مجتهد و صبور جدا و بيحب يقرأ و يتعلم.
محتاج في نفس الوقت تذاكر كتب في العربي وتعرف الاخطاء الشائعة في اللغة و دي من احسن الكتب في الموضوع (ملحوظة انا بترجم من عربي الي انجليزي فقط علشان الخطوة دي لسا مقومتش بها ولكن انصحك تاخدها في البداية لان دا الصح)
المعجم الوجيز
اخطاء اللغة العربية المعاصرة
معجم الاغلاط اللغوية المعاصرة
الكتب كلها هنا
2- اعرف اكتر
انت دلوقتي وضعت اساس قوي جدا في اللغتين ولكن محتاج تقرأ في مجالات معينة يعني لو عايز تتخصص في الترجمة الادبية مثلا (و دي من اصعب فروع الترجمة) محتاج تقرأ عن الادب (بالعربي و الانجليزي) و روايات و كتب عن الموضوع. لو هتتخصص في الترجمة الصحفية يبقي محتاج تقرأ عن الكتابة الصحفية (باللغتين خلي بالك) و كتب عن الترجمة الصحفية و هكذا. هتكلم عن الموضوع دا بشكل مفصل في مشاركة مختلفة ان شاء الله.
كمان موضوع اخر اساسي و حيوي للمترجين و هو استخدام المعاجم و القواميس سواء الانجليزي انجليزي او الانجليزي عربي و العربي عربي. هتحتاج قاموس لونجمان
و موقع زي المعاني
و دا قاموس عربي انجليزي و العكس و كمان معجم عربي (في برامج كتيرة زيه ممكن نتكلم عنها في مشاركة منفصلة)
موقع اخر هيفيدك في الترجمة هو
وطبعا اي مترجم عارف كويس انه مش ينفع يستخدم مواقع او برامج الترجمة الالكترونية لترجمة الجمل و الفقرات ، قولتها كتير قبل كدا ان الكمبيوتر مش بيقدر يفكر و الذكاء الاصطناعي خيال علمي بس و احنا كمترجمين بنتعب و نفكر علشان نلاقي المعني في اللغة المراد الترجمة اليها.
3- ترجم
بعد الاساس القوي في اللغتين و بعد قراءة كتب مختلفة عن الفروع المهمة لك او التيتثير اهتمامك محتاج تشتري كتب ترجمة فيها قطع مترجمة ودي كتير جدا هسيبك تنزل انت بنفسك و تختار ، و اسعارها رخيصة. المفروض ان دا تدريب لك ، ابدأ بانك تترجم القطع لوحدك الاول و بعدين تشوف ازاي المترجم ترجمها هو او نقلها للثقافة الاخري (سواء من عربي الي انجليزي او العكس) اهم شيء في المرحلة دي انك تدقق اوي في التعبيرات يعني دايما اسأل نفسك ليه المترجم استخدم التعبير الفلاني دا و ابحث و دور. الموضوع دا محتاج منك 3 شهور علي الاقل.
4- الشهادات
اشهر سؤال بيجيلي
“هل ينفع ابقي مترجم و انا مش كلية ترجمة ولا انجليزي؟”
اه ينفع فيه اطباء و مهندسين و محاسبين و ناس من كل الفروع بيشتغلوا في الترجمة و محترفين جدا. لكن طبعا لازم شهادة في المجال باي طريقة و فيه شهادات زي:
دبلومة الجامعة الامريكية في الترجمة
هي سنة اعتقد و كانت ب 12 الف جنيه ولكن اعتقد هتغلي بعد التعويم ، بتدرس الاول مباديء الترجمة و بعدين ممكن تتخصص في الترجمة القانونية مثلا و في تخصصات تانية و هي دبلومة قوية.
دورات و برامج وورش عمل جمعية المترجمين و اللغويين و المصريين
جمعية قوية جدا و بتقدم دورات و برامج وورش عمل للمترجمين سواء لسا مبتدئين او محترفين. اسعار الدورات فعلا في متناول الجميع (رخيصة بالمقارنة بالجامعة الامريكية) و بتاخد شهادات و الجمعية معترف بها دوليا. عندهم الاتي
البرنامج الشامل لتأهيل المترجمين: وهو أول برنامج متكامل للتدريب على الترجمة وعلومها.
مما يتضمنه البرنامج:
مفاهيم ونظريات الترجمة.
الأسس المهنية لصناعة الترجمة.
أدوات وآليات صناعة الترجمة.
الصعوبات والتطبيقات الترجمية.
مبادئ وأخلاقيات صناعة الترجمة.
نظم الجودة في صناعة الترجمة.
طرق تطوير آداء المترجم ورفع مستواه المهاري.
مفهوم الترجمة الاخترافية من خلال الخبرات الترجمية.
أساليب وتقنيات الترجمة.
تحليل ومعالجة وتحديد بنية النصوص.
كمان عندهم دورات ترجمة متخصصة
نظريات الترجمة وتطبيقاتها.
أسس وقواعد صنعة الترجمة.
أسس الترجمة التحريرية.
ترجمة النصوص الدينية.
طرق تدريس الترجمة.
الترجمة الشفوية والفورية.
الترجمة القانونية.
التعريب والتوطين.
الترجمة الأدبية.
الترجمة السياسيةوالدبلوماسية.
الترجمة الإبداعية.
النشر المكتبي وتطبيقاته.
معايير ونظم جودة الترجمة.
الترجمة الإعلامية.
الترجمة الاقتصادية والمصرفية والمالية.
الترجمة الآلية وأدوات الترجمة.
الترجمة التقنية والعلمية.
الترجمة في المجالات العسكرية والأمنية.
الدورات عندهم بمعدل 20 ساعة للدورة الواحدة.
علي اي حال انت مش لازم يعني تاخد الدورات سواء في الجامعة الامريكية او جمعية المترجمين و دا رأيي الشخصي ك مايكل يوسف يعني ، ممكن لو انت فعلا مجتهد تذاكر لوحدك ولكن انا افضل حتي دورة او اتنين في مباديء الترجمة خصوصا في البداية بعد الخطوة الاولي.
طيب لو مش هتاخد دورات خالص ، ازاي تبقي مترجم بشهادة انك مترجم؟ دي النقطة الاخيرة
5- شهادة الاعتماد
ناس كتيرة سألوني بعد لما رفعت صورة شهادة الاعتماد من جمعية المترجمين واللغويين المصريين ازاي حصلت عليها.
شروط العضوية
الحصول على مؤهل دراسي مرتبط بأحد مجالات اللغة أو الترجمة، أو أن يجتاز العضو الاختبار المهني الذي أقرته الجمعية، أو
أن يقدم ما يفيد اشتغاله بالترجمة لمدة لا تقل عن ثلاث سنوات، أو
أن يكون ممن نشرت لهم أعمالًا مترجمة أو دراسات متخصصة،أو
أن يكون مبدعًا مشهودًا له في مجال تخصصه،أو
صاحب أعمال وجهود ملموسة في مجال الترجمة أو الإبداع، أو
أن يكون طالبًا مسجلًا يدرس علوم الترجمة واللغة أو
أن ينال تزكية ثلاثة أعضاء على الأقل من أعضاء مجلس الإدارة.
خطوات الاعتماد و العضوية:
السيرة الذاتية، صور من الشهادات والمستندات الداعمة للسيرة، صورة شخصية حديثة -صورة من تحقيق الشخصية الرقم القومي/ جواز السفر
رسوم اشتراك العضوية (135) جنيهًا ورسوم اختبار الاعتماد (325) جنيهًا لأعضاء الجمعية / (475) جنيهًا لغير أعضاء الجمعية.
وترسل إلى البريد الإلكتروني التالي:
etlaschool@gmail.com
الموضوع انهم بيبعتولك امتحان علي الايميل عبارة عن قطع ترجمة (عربي انجليزي و انجليزي عربي) و اسئلة اخري و قدامك 24 ساعة تحلها و تبعت الامتحان بالحل ، بعد شهر كدا هيردوا عليك اذا كنت نجحت ولا لا ولو نجحت تقدر تبقي عضو و مترجم معتمد (العضوية غير الاعتماد).
اهم خطوة هي الاولي ، انك تقوي نفسك جدا و توصل لمرحلة متقدمة في اللغتين ولو عملتها صح باقي الخطوات هتبقي علي اساس قوي جدا و هتنجح كمترجم.=
=========================\
- خطة #IELTS
خطة مذاكرة IELTS مقدمه من مايكل يوسف
خطة مذاكرة IELTS لعام 2017
كل شيء في الخطة داخل الرابط التالي
و علي جوجل درايف
كلمة السر علي الملفات michaelyoussef زي ما كتبتها كدا ، لو عندك مشكلة في الملفات يبقي المشكلة حصلت عندك في التحميل مش من الملفات انا مجربها كلها.
الخطة فيها كلام كتير أقرأها بالراحة مرة و اتنين و خد ملاحظات علشان هتفهم انت هتعمل ايه بالظبط ، الخطة دي للناس العايزة تجيب 7 او اكتر و ان شاء الله لو التزمت هتجبها بسهولة. الايلتس بيختبر مهاراتك في اللغة الانجليزية بس علشان تذاكر الخطة لازم يكون مستواك في اللغة متوسط بجد ، لو بدأت الخطة ولاقيت نفسك مش فاهم حاجة يبقي مستواك تحت المتوسط.
ملحوظة بس : ركز في الخطة و انسي اي حاجة تانية عن الايلتس مش ينفع يبقي عندك كتب و كورسات كتير و تشتت نفسك مش هتوصل لاي نتيجة ولا هتذاكر.
كل الكورسات دي تم رفعها قبل كدا ، لكن انهاردة هنتكلم عن الخطة و ازاي تذاكر و امتي (محتاج 3-4 ساعات يوميا علي حسب قدراتك و استيعابك ممكن تخلصها اسرع او اكتر)
أول حاجة هتعملها هتنزل كتب كامبريدج 1 الي 11 من الرابط
وفيه كورسين للكلمات المهمة للايلتس
IELTS Vocabulary- Learn 300 Essential Words for IELTS
IELTS Vocabulary Booster – 9 topics covered in one course
تنزلهم من الرابط
دلوقتي هتعمل الاتي في شهر كامل
هتتفرج علي اول 3 فيديوهات في كورس ال 300 كلمة الضرورية للايلتس و بعدين هتبدأ في القراءة
هتقرأ قطع القراءة من الكتب (امشي بترتيب قطع القراءة في الكتب) و هتذاكر الفيديوهات في نفس الوقت علشان الكلمات و المرادفات اساس امتحان الايلتس (لما بقول تقرأ اقصد تقرأ و تفهم و تترجم كل كلمة جديدة مش فاهمها و كل تعبير وخصوصا ال collocations تفهم معناها و هتحتاج قاموس انجليزي انجليزي علشان تفهم معني ال collocations و هتكلم عن القواميس في اخر الخطة)
هتاخد كل يوم قطعة قراءة و 3 فيديوهات
Book 1 Practice Test 1 Reading Passage 1
3 videos
هتكون في خلال اسبوعين خلصت 15 قطعة قراءة من كتب كامبريدج و كورس ال 300 كلمة. المهم انك تفهم بتقرأ ايه و معاني الكلمات كلها و مشتقتها ، الموضوع فعلا محتاج مستوي متوسط علشان تكون فاهم بتعمل ايه.
كورس ال
vocabulary booster
هتخلصه في يوم كمراجعة
ملحوظة مذاكرة كلمات الفيديوهات يعني هتفتح القواميس و تشوف استخدام الكلمات في الجمل و تفهم الفيديو بيتكلم عن الكلمة و مشتقاتها و تشوف التعبيرات معاها و تستخدمها.
باقي الشهر (حوالي اسبوعين) هتاخد فيهم
هتخلص الكتاب المسموع اسمه
Prime Suspect
نزله من الرابط
بالطريقة دي
1- هتسمع الكتاب الاول مرتين
2- هتقرأ الكتاب و تترجم كل الكلمات الجديدة و متخفش الكتاب صغير اوي مش كبير
3- هتفتح الملف الصوتي و انت بتقرأ الكتاب بعينك مرتين
في نفس الوقت هتاخد كل يوم كام كلمة من كورس ال 300 كلمة و تنطق الجمل العليهم من قاموس اكسفورد و دا رابط القاموس وشرح طريقة تثبيته علي الموبايل
نزله من الرابط هتلاقي اسمه
Oxford_Advanced_Learner’s_Dictionary_9th_Edition
بكدا انت دلوقتي في شهر عرفت كلمات كتير و قرأت كتاب و استخدمت الكلمات كمان و بدات تطور مهارة الاستماع عندك بشكل كويس سواء مع الكتاب المسموع او بجمل قاموس اكسفورد.
======================
دلوقتي انت محتاج نظرة عامة و شاملة عن الايلتس و اسلوب الامتحان علشان تعرف تفكر صح من البداية ، عايز تشوف كورس الايلتس 7 كامل وهو 24 ساعة يعني لو كل يوم اربع ساعات هتخلصه في حوالي اسبوع
الكورس مناسب جدا للناس في المستوي المتوسط و العايزين درجة 7 في الامتحان او اكتر طبعا علي حسب شغلهم. محتاج معاه بس كتاب Cambridge IELTS 7
الفيديوهات بتشرح كل شيء فعلا ، مفيش اجمل ولا احلي من كدا. بيعملك ايه المطلوب منك و بيشرح جميع انواع الاسئلة و بيحل معاك كمان.
في كلمة سر علي الملفات اسمي بالانجليزي
michaelyoussef
Reading
IELTS7_Reading.rar اسم الملف بداخل الفولدر
Listening
IELTS7Listening.rar اسم الملف بداخل الفولدر
Speaking
IELTS7Speaking.rar اسم الملف بداخل الفولدر
Writing Task 1
IELTS7_Writing_Task_1.rar اسم الملف بداخل الفولدر
Writing Task 2
IELTS7WritingTask2.rar اسم الملف بداخل الفولدر
كدا فاضل في الشهر التاني 3 اسابيع ، مهم اوي تاخد بالك من اسلوب الحل و ملاحظات المدرب لان الايلتس له طريقة في الحل زي ما هتشوف ، مثلا في القراءة مش بتقرأ بهدف انك تفهم زي ما عملت في اول شهر ولكن كان لازم تعمل كدا في اول شهر علشان تاخد مهارة القراءة نفسها و تعرف كلمات كتير و تفهم الانجليزي اكتر.
عندك دلوقتي 15 اسبوع باقيين و خلي بالك بتذاكر كل يوم اربع ساعات ، المطلوب منك دلوقتي في اسبوع واحد تخلص كتابين صغيرين
Tenses for Speaking
Correct your English
هتلاقيهم في داخل الفولدر برده زي باقي الحاجات
الكتب دي مهمة اوي و هتساعدك كتير في الايلتس و في الانجليزي بشكل عام ، هتخلصهم في اسبوع لان المفروض مستواك متوسط و عارف اغلب المعلومات دي ، معاهم لازم تنطق مع قاموس اكسفورد كل يوم خمسين جملة (بتكتب اي كلمة في القاموس و هتلاقي معاهم جمل كتير مخزنة)
فاضل كدا 14 اسبوع ، دلوقتي عايزك في اسبوع تتفرج و تذاكر الكورسات دي مجرد فيديوهات كويس جدا و تكتب ملاحظات دايما كانك في محاضرة و تاخد بالك من تكوين الجمل و الفقرات و المقال في كورس الكتابة و في كورس التحدث نفس الشيء.
IELTS Writing Task 2 Achieve Band 7+ 5 Hours
Get 7-9 in IELTS Speaking
خلي بالك الكورسات دي لازم هتتفرج عليها مرتين في الاسبوع و هيكفي الوقت لانهم صغيرين.
كدا معانا 13 اسبوع لسا ، هتبدأ تدرب علي الامتحان و انت كدا مستعد ان شاء الله.
غالبا كدا انت معاك في كل مهارة3 اسابيع و دا وقت كافي خصوصا كورس الايلتس 7 الكامل بيناقش كل شيء بس المرة دي انت هتمشي واره في التدريبات خطوة بخطوة و كل لما تتعلم اسلوب في الحل هتفتح الكتب و خصوصا كامبريدج 10 و 11 و تطبق اسلوب الحل نفسه زي ما شوفته في الفيديو علي امتحانات تانية فيها نفس التمرين.
يعني هتمشي ورا الكورس خطوة بخطوة في جزء القراءة و الاستماع و الكتابة ولكن في التحدث افضل تستخدم الكورس السابق و هو
Get 7-9 in IELTS Speaking
هتذاكر مهارة كل يوم و ابدأ بالقراءة يليها الاستماع يليها التحدث ثم الكتابة و عيد الموضوع تاني.
القراءة عدد الفيديوهات 45
الاستماع 24
الكتابة 47
دول من كورس الايلتس الكامل الهو 24 ساعة ، و هتاخد التحدث زي ما قلت لوحده من الكورس المنفصل في الفترة دي.
هتاخد كل يوم مهارة يعني القراءة 45 فيديو هتشوف المقدمة و الحاجات البسيطة دي و تدخل علي الموضوع نفسه لما تتعلم اسلوب تفتح اي كتاب و تدور علي امتحان فيه نوع الاسئلة دي و تعمله و تشوف الصح ايه و هكذا في الاربع ساعات ، هتاخد كل يوم 3 فيديو و هيبقي يومين قراءة في الاسبوع غالبا
الاستماع 24 فيديو ولكن دي حاجة مهمة جدا تدرب عليها ، في البداية ممكن تبدأ بالحل و لو لاقيت نفسك بتجيب درجات عالية تمام و ربنا يوفقك ولكن لو لاقيت انك مش فاهم حاجة يبقي لازم تقرأ الكلام و انت بتسمع الملف الصوتي و هتلاقي دا في اخر الكتاب تحت
Audioscripts
الكتابة بقي مشكلة لناس كتير ولكن الكورست دي المفروض انها تخليك كويس فيها بس مهم اوي تقرأ الاجابات بتاعت الامتحانات في اخر الكتاب وتشوف طريقة الكتابة و مفيش مانع تفتح الفيديوهات تاني و تقارن الاجابة مع الكورسات علشان تفهم اكتر.
في حاجة مهمة هتلاقي في اخر الكتب لجزء الكتابة جايبلك اجابة مثلا لواحد اخد 5 في الكتابة و بعدين اجابة مثالية و هكذا ، انت محتاج تقارن الاتنين و تشوف ليه جاب درجة وحشة. مفيش مانع انك تحلل الاجابة المثالية و تقارنها بالفيديوهات في الكورسات و الطريقة دي قوية جدا ممكن تخليك تجيب 8 ، و طبعا لازم تكتب انت كمان لان التمرين هو اساس الايلتس.
الكورسات دي احسن كورسات ايلتس ممكن تلاقيها في اي مكان و اهم شيء انك مش تتفرج علي الفيديو كدا دا مش فيلم ، لازم تاخد ملاحظات و تتفرج علي الفيديو اكتر من مرة و زي ما قلت انت هتطبق الموضوع بالمذاكرة ان شاء الله و بالتوفيق.
خطة IELTS General Training
هي نفس خطة ال Academic بس هتزود الكتاب الصغير الرائع دا
اسمه
IELTS Writing Task 1 General Training Module
ان شاء الله لو اجتهدت في الخطة دي هتجيب 7 او اكتر ممكن 8 ان شاء الله.
ربنا يوفقكم.
=======================
- خطة كاملة #TOEFL (بس ذاكر الكورس السابق الاول)
خطة مذاكرة TOEFL iBT كاملة لغير المحترفين
التويفل امتحان دولي في اللغة الانجليزية معترف به في الجامعات و بيطلب للمنح و ممكن اي شخص عايز يثبت انه بيعرف انجليزي كويس جدا ياخده بدل من شهادات حضور الدورات لانها فعلا ملهاش اي معني زي ما انا اتكلمت كتير ، يعني التويفل علي سيرتك الذاتية له وزنه بلا شك.
اولا القاموس
الرابط دا في شرح كامل لتثبيت القاموس بالتفصيل و روابط ميديا فايبر
——
دلوقتي هتبدأ ببناء القاعدة الاساسية لباقي المهارات و هي الجرامر ، ولكن خلي بالك انك هتتمرن علي النطق بالقاموس زي ما قلت فوق. في سلسلة كتب للجرامر جميلة و فيها 3 مستويات
Progress in English Grammar 1
Progress in English Grammar 2
Progress in English Grammar 3
هتاخد ال كتب دي بالترتيب بتاعهم و دي كتب صغيرة ، لاحظ انك كل كلمة مش عارف معناها هتترجمها في قاموس انجليزي عربي الاول (زي قاموس صخر) و تنطقها في قاموس لونجمان.
——
دلوقتي ممكن تبدأ مذاكرة للتويفل ، اول كتاب هو كتاب كامل فيه الاربع مهارات و معاه كل الملفات الصوتية و اجابات الاسئلة و حتي اسطوانة التدريب علي الامتحانات (فيها اربع امتحانات كاملة)
The Complete Guide to the Toefl Test – IBT Edition
ذاكر كل الكتاب ، اتعود تسمع الملفات الصوتية مرة و اتنين ولا تلاتة عادي مفيش مشكلة ، و لما تخلصه ابدأ في اسطوانة الامتحانات و ادرب ، ترجم كل كلمة متعرفاش و اسمع الاجزاء اكتر من مرة و هكذا. ولازم تتعود انك تقرا بصوت ، اوعي تذاكر و انت مش بتتكلم علشان تتعود تتكلم انجليزي.
——
الكتاب دا رائع و هو فيه 500 كلمة و تعبير مخصوص للتويفل و فعلا لا غني عنه
500 Words, Phrases and Idioms for the TOEFL iBT Plus Typing Strategies
لازم تستمر في نطق الجمل في القاموس ، استخدم الكتاب دا علشان تقوي حصيلة كلماتك.
——
دايما الناس عندها مشكلة في الكتابة ، ولكن مع الكتاب دا الموضوع محلول فعلا
Writing for the TOEFL iBT
المفروض انك بتذاكر وقت كامل لو عايز تخلص الخطة دي في 6 شهور و مستواك “مبتدأ” ولكن بتعرف شوية حاجات بسيطة من الدراسة يعني ، فاهم يعني ايه I’m happy مثلا
——
محتاج كتاب اخر عن الكتابة و التحدث فعلا و انا شخصيا بحب الكتاب دا (معاه الملفات الصوتية)
Speaking and Writing Strategies for the TOEFL iBT
لو مفيش وقت يبقي خد الكتاب دا و بلاش الكتاب السابق
——
دلوقتي كل الباقي انك تحل امتحانات اكتر و دول اسطوانتين عليهم 8 امتحانات
خلي بالك الموضوع مش انك تجاوب بس ، انت محتاج تعرف الكلمات الجديدة و اي تعبير جديد عليك ، محتاج تتعود تسمع صح و هتلاقي طبعا النص بتاع جزء ال listening موجود ، يعني اسمع مرة و اتنين من غيره وبعدين افتحه و اسمع كمان مرتين و انت بتنظر علي النص. دايما اقرأ بصوت علشان تتعود علي الكلام بالانجليزي.
——
لو نفذت الخطة و ركزت فيها هتدخل تجيب فوق ال 100 ان شاء الله ، و طبعا اسلوب مذكرتك بيفرق ، في ناس بتخلص الكتاب في اسبوع و فيه ناس بتركز و تجتهد و تخلصه في شهرين بس بتطلع مستواها رائع
 ){kind=link}
0 تعليقات