دور البرد عبارة عن فيرال إنفيكشن, فيروس ياخد وقته ووينتهي, ممكن من ثلاثة ايام الى سبعة ايام اذا المضاد الحيوي هنا ماا فائدتة؟؟ اين البكتيريا التي سنعطىى لها مضاد حيوي عمال علي بطال , احنا مبنلجأش لمضاد حيوي إلا لو هذا الفيروس اتحول الى Secondary bacterial infection والتي ممكن تظهر علي هيئة سخونية شديدة جداً وإلتهاب شديد في الحلق
وردا عالناس اللي بتقول احنا بندي مضاد حيوي ك Prophylactic from Secondary bacterial infection ... أحب اقول لحضرتك مفيش أي معلومة في الدنيا بتقول إن المضاد الحيوي بيتاخد كوقاية في الحالة دي ... بل في الدول المحترمة بيجربوا كل الطرق قبل ما يدو مضاد حيوي وبيحفزو الجهاز المناعي للمريض بحيث إن هو اللي يتغلب عالمرض ويقوم بدوره .. مبيلجأوش لمضاد حيوي إلا لما تفشل كل الطرق الممكنة .. يعني Last line هو المضاد الحيوي
ويا ريت عندنا بيدي جرعة كاملة .. ده المصيبة الأكبر انه بيدي قرص او قرصين مضاد حيوي ولو حقن بيدي حقنة واحدة وحلو اوي كده
عايز أقول لحضرتك إنك لما بتدي قرص واحد مضاد حيوي او مبتكملش كورس العلاج فانت كده بتسمح للبكتيريا انها تكتشف طريقة لمقاومة المضاد الحيوي ده وبعد فترة مش هيجيب معاها نتيجة ويبقا ملوش لازمة ؟
بص يا سيدي بالبلدي جدا ولنفرض إنك بتحارب جيش مكون من ألف فرد ... قتلت منهم 50 وباقي 950 فرد ووقفت علي كده وبعد فترة حصل ما بينكو حرب تاني ... لما تروح تهاجمهم هيكون هما اكتشفوا طريقة في الفترة اللي فاتت انهم يقاوموك ويعرفو يتغلبو عليك. إنما لو انت ف أول مرة قتلتهم وخلصت عليهم كلهم مكانش حصل اللي حصل وقدرو يقاوموك .
الديكساميثازون .. كورتيزون مضاد للحساسية والإلتهابات فكرته في دور البرد انه يقلل مناعة حضرتك , والجهاز المناعي بيروح يهاجم الفيروس ونتيجة المعركة ما بين الجهاز المناعي والفيروس بيحصل شوية حساسية بسيطة زي الرشح مثلا , ييجي قايم المحترم مدي لحضرتك حقنة ديكسا توقف جهازك المناعي وتخليه ميهاجمش الفيروس عشان خاطر ميحسسكش بشوية الحاجات اللي بتحصل زي الرشح وتكسير الجسم . ونسي إنه مع كل دور برد عمال بيحشي حضرتك كورتيزون وانت بتيجي تطلبها بالإسم بعدين ومتعرفش انها عالمدي البعيد ممكن تسببلك ضغط وسكر . عشان خاطر بس شوية برد تافهين كان ممكن تتغلب عليهم بأي حاجة مسكنة وتعالج الأعراض وتسيبهم يروحو مع نفسهم .
يعني شوية سخونية ادي يا سيدي باراسيتامول او حقنة مسكنة وخافضة للحرارة زي فولتارين , كتافلام, ديكلوفين, رومارين أي حاجة خير ربنا كتير, لو في شوية رشح ادي حاجة anti histaminic مضاد للحساسية عشان الرشح وحاجة لإحتقان الأنف يا سيدي ولا تزعل .
عندك كونجيستال فيه باراسيتامول خافض للحرارة ومسكن, سودوفيدرين مضاد للإحتقان, كلورفينرامين مضاد للحساسية,وطبعا مع الأخذ في الإعتبار الهيستوري بتاع المريض وتديله الحاجة المناسبة, ويا سيدي يشرب سوائل دافية, ينسون, لمون دافي لا يضر .
لو كل واحد فكر يعمل كده والله الدنيا هتتغير وتبقا حلوة بس نشغل ضميرنا شوية والرزق علي الله, والله رزقك هيجيلك هيجيلك محدش هياخد رزقك. اعمل الصح وافتكر إنك بتتعامل مع الله .
0 تعليقات