كتب : الدكتور احمد ابو النصر
زمان أمى ربنا يديها طول العمر كانت بتبعتنى للبقال دايما اشترى بودرة أحواض اسمها فيم وكانت أمى تحطها على الأحواض بص تنور والله تنور .
شوية وكبرت وعرفت إن المكون الأساسى فى فيم هوه بيكربونات الصوديم يبقى ناخد قاعدة عامة مع بعض بيكربونات الصوديم هتغسل جسمك وكليتك تماما من السموم .
الحقيقة الدراسات المعمولة على إرتباط قصور الكليتين وبيكربونات الصوديم كثيرة يعنى المفروض بالورقة والقلم لو أنا مريض ضغط أو سكر أو ذئبة أو أى حصوة أو تكيس الكليتين أو أى مرض التهابى للكليتين ممكن يضعفها بالمستقبل كوقاية استخدم بيكربونات الصوديم بإنتظام .
بيكربونات الصوديم فعال فى علاج عدوى الجهاز البولى حتى لو مع المضادات الحيوية كتير جدا بيجيلنا مرضى المضاد الحيوى مابيكونش فعال لوحده .
بيكربونات الصوديم فعال جدا أيضا فى تخليص الكليتين من بلورات حمض اليوريك أو مجازا بنقول النقرص لأنها بتعمل إلتهابات بالكلى والمفاصل تخيل البلورات دى ببترسب فى الكلى والمفاصل على هيئة إبره تقعد تشك فيك كل دقيقة .
واوضح الدكتور احمد ابو النصر أن الطريقة المثلى لإستخدام بيكربونات الصوديم هى نص ملعقة صغيرة على ربع ليتر ماء على مدار اليوم بحد أقصى ملعقة ونص من بيكربونات الصوديم على مدار اليوم .
شير لغيرك هذا الملح أمن وفعال جدا جدا جدا ورخيص جدا جدا فى علاج مشاكل الكليتين ولسه هنشرح ليه فوايد تانية كتير خالص موجود بكل محلات البقالة والهايبرماركت .
0 تعليقات