يميل الأطفال لوضع و تناول الكثير من المواد دون معرفتهم بدرجة سميتها أو خطورتها على الجسم و ليس كل ما يتناوله الطفل سام أو خطير و هذه مجموعة من المواد الغير خطيرة و الغير سامة على جسم الطفل و لا يحتاج تناولها الى اي اجراء مثل غسيل المعدة أو إعطاء أي دواء .
١- الكريمات و المراهم الجلدية المضادة للجراثيم و الفطور و الحاوية على الكورتيزون .
٢- الحبر.
٣- مضادات الحموضة الغير حاوية على ال Salicylate .
٤- زيت الحمام.
٥- الشامبو و مكثفات الجسم و الشعر.
٦- الصابون و سائل الجلي .
٧- كالامين لوشن و اللوشن المستخدم لعلاج طفح الحفاظ .
٨- الشمع و السيليكون.
٩- الطباشير.
١٠- الطين ( المعجون ) الإصطناعي.
١١- أقلام الألوان الخشبية و الشمعية و الألوان المائية.
١٢- حبوب منع الحمل بدون حبوب الحديد.
١٣- أقلام الحمرة و الكحل و المناكير .
١٤- الديودرانت .
١٥- الصمغ.
١٦- الملينات.
١٧- الفازلين .
١٨- كريم أو لوشن الحلاقة .
١٩- معجون الأسنان.
٢٠- الواقيات الشمسية .
٢١- الورق و الجرائد .
٢٢- اللوزنج ( حبوب المص المستخدمة لتخفيف ألم الحلق ).
٢٣- المحليات الصناعية ( المستخدمة عند مرضى السكري ).
٢٤- مرطب الشفاه .
٢٥- عيدان الثقاب.
المواد الشديدة السمية للاطفال و التى قد تؤدى الى الوفاة بجرعات قليلة ودى مشهورة عندنا فى الاطفال ب ONE PILL CAN KILL بمعنى ان قرص واحد قد يكون قاتل لطفل وزنه 10 كيلو :
1- أدوية الضغط زى الكونكور و الانديرال و دول بينزلوا الضغط و ضربات القلب و السكر بالدم والاييبيلات و الايسوبتين ودول بيسببوا هبوط حاد فى الضغط والدورة الدموية وطبعا مفيش بيت بيخلى من أدوية الضغط لانتشار المرض
2- أدوية السكر زى الاماريل و الديامايكرون ودى موجودة برضه فى بيوت كتيرة بسبب انتشار مرض السكر من النوع التانى ودى بتعمل هبوط فى نسبة السكر بالدم و غيبوبة و تشنجات وخطورة الادوية دى ان انخفاض السكر ممكن يحصل متاخر فى اول 24 ساعة عشان كده الطفل لازم يتحجز حتى لو مفيش اعراض و سكره كويس فى البداية لمتابعة السكر كل ساعة الى ساعتين
3- الأدوية المضادة للاكتئاب Tricyclic antidepressant زى الانافرانيل و التوفرانيل والتريبتيزول ودى طبعا بتستخدم لعلاج الاكتئاب بس ليها استخدامات تانية فممكن تكون موجودة فى البيت و منعرفش فبستخدم فى علاج بعض حالات التبول اللارادى فى الاطفال و لعلاج سرعة القذف و الصداع النصفى والتسمم بالادوية دى فى الاطفال ممكن يسبب اختلال فى ضربات القلب و غيبوبة و تشنجات و هبوط فى الضغط
4- الأدوية المضادة للذهان اللى بتستخدم لعلاج امراض نفسية زى الفصام
5- الأدوية المضادة للملاريا زى الكلوروكين و الحمد لله اهو فى مرض مش منتشر فى مصر و معظم الحالات بتكون جاية من برة لكن الأدوية دى ليها استخدامات تانية فى علاج بعض امراض المناعة الذاتية زى الذئبة الحمراء و الروماتويد
5- الأدوية المخدرة زى المورفين و الترامادول وحدث و لا حرج عن الترامادول و انتشاره حاليا وشفنا حالات اطفال كتيرة واخدة ترامادول وبتبقى المشكلة انكار الاهل عشان المسئولية وطبعا الترامادول ممكن يعمل غيبوبة و فشل كلوى و توقف بالتنفس
6- مادة الثيوفيللين زى الكيبرون و الثيوفيللين ودى مادة بتستخدم كموسع للشعب فى حالات الحساسية الصدرية والامراض الصدرية المزمنة للمدخنين ودى ممكن تعمل زيادة و اختلال فى ضربات القلب و هبوط فى الضغط و تشنجات
7- ومن الاعشاب ما قتل مادة الكامفور Camphor ودى مادة عشبية بتستخدم فى الكريمات المسكنة للألم زى الام الظهر و العضلات و طبعا مشهورة جدا و موجودة فى كل البيوت كريم زى الجازون او مووف مساج وده ممكن بكميات بسيطة يعمل ترجيع و اسهال و غيبوبة و تشنجات
8- المبيدات الحشرية بتختلف درجة السمية على حسب النوع و الكمية و طريقة التعرض لكن فى بعض الانواع شديدة السمية بكميات بسيطة وممكن تؤدى الى الوفاة
9- مادة البنزوكين Benzocaine و هى مادة مخدرة بستخدم فى جيل تخفيف الام الاسنان زى الدنتوكالم و الدنتوكين الشهيرين لتخفيف الام ظهور الاسنان عند الاطفال ممكن تسبب حالة نادرة اسمها Methemoglobinemia خاصة عند الاطفال اقل من سنة و المصابين بانيميا الفول و اعراضها زرقة ونقص باكسجين الدم و صعوبة بالتنفس و تشنجات ودمهم بيقى غامق زى الشيكولاتة
10- اخيرا فى حاجتين ممكن يكونوا موجودين فى اى بيت و فى متناول الاطفال و احنا مش عارفين خطورتهم وانهم ممكن يسببوا الوفاة :
أولا صبغة الشعر و ما ادراك ما صبغة الشعر مادة قاتلة تسبب تورم فى اللسان و الحنجرة و ضيق فى مجرى التنفس و فشل كلوى حاد و تشنجات ومشهورة فى بعض الاماكن باستخدامها للانتحار و الكلام ده شفته بنفسى فى الفترة اللى اشتغلت فيها فى اسوان اشهر محافظة فى موضوع الصبغة و تقريبا كل الحالات اللى ظهرت عليها الاعراض كانت بتموت حتى لو دخلت العناية وفى قريب طفل 3 سنين مامته استخدمت الصبغة و نسيت تتخلص منها الطفل اكل من الصبغة واتنقل المستشفى و اتوفى
ثانيا بطارية الليثيوم و دى بتبقى موجودة فى بعض الاجهزة و العاب الاطفال و سهل الطفل يطلعها و يبلعها و دى خطيرة جدا لانها ممكن فى خلال ساعتين تسبب حرق و ثقب فى بطانة المرىء حيث تصنع دائرة كهربائية فى وجود اللعاب وتبدأ البطارية عملها على نحو يصدر منها مادة قلوية تتسبب في تكوين صودا كاوية تؤدى إلى حدوث تآكل في جدار المرىء وحدوث ثقب والتهاب حاد بالصدر و تسرب للهواء حول الرئة وإذا واجهت البطارية طريقا مختلفا، حينئذ يمكنها أن تحدث حرقا في الأورطى والأوعية الدموية الرئيسية، وتوجد حالات سجلت ينزف فيها الطفل حتى الوفاة وفى كتير من الحالات بيحصل معاها ضيق فى المرىء او ناسور بين المرىء و القصبة الهوائية و تحتاج عمليات لتوسيع المرىء او استئصال جزء منه
التصرف فى حالة بلع الطفل لبطارية ليثيوم التوجه للمستشفى مباشرة لعمل اشعة و فى حالة وجودها فى المرىء لازم تتشال فورا بالمنظار من غير تاخير
كتب
Haitham Hafez
===
0 تعليقات