مشاكل بشرتي كتييير جدا لانها دهنيه روحت ل دكاتره بعدد شعر راسي بس اخرج من عنده اجيب العلاج واركن في الدرج علي كدا ولما بستعمله اقف قدام بوتاجاز او اخرج ف الشمس الاقي بشرتي ملتهبه وحمرا فا انا قررت اني مش هحط كيماويات على وشي تاني وكلو بعد كدا طبيعي ودا لاني شوفت نتيجة الماسكات مبهره
المسكات ل :-
١- حبوب شباب
٢-اثار الحبوب
٣- هالات تحت العين
٤- تفتيح البشره
٥- تفتيح فوري يبان من اول مره
٦- سكرب للبشره مهم جدااا
٧- نضاااره مش معقوله للناس الل بشرتها تعبانه
٨- كثافة شعر الحواجب والرموش
٩- للمسام الواسعه
١٠- تونر ف البيت ودا ضروري جدا
اولا لحب الشباب البيكنج بودره مع مية ورد ربع ساعه ع الوش مرتين ف الاسبوع وطبعا علي بشره نضيفه وتغسليه ب ميه فاتره وبعد كدا ميه ورد ودا اساسي ف جميع الماسكات تتغسل ب ميه فاتره بعدها مية ورد
ثانيا لاثار الحبوب قرفه وعسل ربع ساعه مرتين ف الاسبوع
ثالثا الهالات زيت لوز قبل النوم وتدلكيه حول العين بالراحه يوميا او باكت الشاي الاخضر بعد م تشربيه اعملي بيه كمادات ع العين
رابعا تفتيح دقيق ولبن حليب وليمون ربع ساعه مره ف الاسبوع
خامسا للتفتيح الفورري عسل ودقيق ولبن بودره ونقطتين مية ورد ربع ساعة وتجيبي فوطه تبليها ميه دافيه وتمسحي بيها مره ف الاسبوع
سادسا سكرب البشره ملح وزيت زيتون وتعملي بيهم مساج ل وشك لمده ربع ساعه مره ف الاسبوع
سابعا النضاااره خميره ولبن حليب وعسل نحل وكل خمس دقايق حطي طبقه تانيه لمده ربع ساعة مره ف الاسبوع
ثامنا كثافة شعر الحواجب والرموش هاتي علبة ماسكرا قديمه واغسليها ب مزيل مكياج كوووويس جدا وحطي فيها زيت خروع وقبل م تنامي حطي بالفرشه ف حواجبك ورموشك كل يوم
تاسعا للمسام الواسعه بياض بيض ونشا لمدة ربع ساعة مره ف الاسبوع او حطي مية الورد ف مكعبات التلج واعملي مساج لوشك
عاشرا التونر بتجيبي خل تفاح نص ازازه وتكملي الازازه ميه لانه حامي شويه وهتلاقي اجمد تونر عندك
بجد من اجمل الماسكات الل استعملتها ف حياتي
وبالنسبه للشعر حطي زيت خروج تحفه ولو عايزاله ريحه حطي عليه شويه زيت لوز ريحته تحفه
وبجيب قطن م الصيدليه العادي وبقصه مربعات صغيره ودا بحتاجه كتييير جدا
بجد ياااريت نبطل كيماويات كللل الحاجات دي متجبش سعر علبة كريم واحده واهم حاجه ان كلها حاجات طبيعي وعمرها م بتضر
ودي صور اشيائي الصغيره
كتب=هاجر
0 تعليقات