متخيل انك تاخد اتنين من الأغذية الخارقة مع بعض ومتوافقين مع بعض زى العسل والقرفة زى الملوخية والأرانب و البيض والبسطرمة
عاوزك بقا تجرب الصاروخ الأسطورى ده خل التفاح مع القرفة مع العسل رهيب طعمه فظيع وفوايده غير عادية .
عامة عاوزك تجيب أعواد القرفة السيلانى بلاش الدارصينى .
١- إلتهاب المفاصل :
الفرقعة و الالام بتاع المفاصل و العضلات و النار اللى بتكون فى العظم القرفة والعسل هيريحوك خالص وخاصة ان العسل فيه اندورفين طبيعي قلنا كلمة اندورفين مشتق من كلمة مورفين اللى هوه اقوى مسكن على وجه الأرض والقرفة بتوقف الإلتهاب يعنى واحد للإلتهاب والتانى للألام .
٢- دهون الدم :
اطحن القرفة وحط عليها ملعقة عسل مع جنين القمح أو رقائق الخميرة وعيش واستمتع وانت بتقضى ع الدهون الثلاثية والكولسترول منخفض الكثافة بخلطة طعمها كلمة روعة كلمة قليلة بص فظيعة .
٣- نزلة البرد :
الشاى الأسود غطس فيه عود قرفة سيلانى على ملعقة عسل واشرب وأدعيلى هتفوق من البرد الفوقان اللى بيه ولا عندك حاجة أصلا هتحب البرد عشان بتشرب فيه المشروب الرائع الرهيب ده زى ماكنا كلنا عاوزين نعمل اللوز عشان ناكل جيلى .
٤- الخصوبة :
القرفة معمول عنها دراسات كتير انها مهمة جدا لخصوبة السيدات لأنها بتمنع إرتفاع الكولسترول اللى بيعمل خلل هرمونى بعد كده لكن نخلى بالنا إن حملنا ممنوعة .
٥- الجهاز الهضمى :
المشروب ده مريح للجهاز الهضمى خاصة الإنتفاخ والراحة تنضرب فى عشرة بس تحط عليهم شوية زنجبيل واو يبقى روعة تخيل كده زنجبيل فرش أعواد قرفة سيلانى عسل مشروب رائع رهيب مريع .
٦- السمنة :
هنا بقا هقولك تخلط ورق الشاى الأخضر مع أعواد القرفة مع العسل على الأقل مرتين فى اليوم قبل الوجبات مع نظام غذائى معتدل لو هنعمل كيتو هيكون من غير عسل .
٧- الكبد الدهنى :
زى ماقلنا أول المقال خل التفاح مع العسل مع أعواد القرفة لو مفيش خل التفاح إستبدله بالليمون هيقضى على الكبد الدهنى .
الحقيقة أعواد القرفة والعسل من أسرار الصحة وطول العمر لدى الشعب السيرلانكى أنا روحت سيرلانكا وهيه بلد رايق وناسها عسل وبلد مبهجة وصناعة النباتات الطبية هناك والسياحة هما اللى بيصرفو على البلد .
شير لغيرك وهات أعواد قرفة سيلانى مش مطحونة وزنجبيل فرش وأستمتعو بالصحة والعافية .
كتب || الدكتور أحمد أبو النصر
0 تعليقات