كتب : الدكتور أحمد أبو النصر
تعرف وانت سايق العربية اما تحس ان كل حاجة تمام فى العربية وان الألة ماشية مع بعضها بدون مشاكل وفجاءة مثلا تيجى تدوس بنزين تلاقيها تقطع منك دا بالظبط حرفيا اللى بيحصل فى الجسم الطبيعى إنك مابتحسش بجسمك وهوه شغال وبيعمل وظايفه الأساسية زى الهضم أما فى مرض شلل المعدة أو خزل المعدة فانت بتحس بالقئ والغثيان مع كل أكلة بتاكلها وتكون جعان جدا تيجى تسمى وتحط فى بوقك اول لقمة لا كدا تمام شبعت دا غير الإنتفاخ و الإرتجاع وفقدان الشهية .
الحقيقة أكتر حد غلبان بيصاب بمرض شلل أو ضعف عضلات المعدة الغلابة مرضى السكر و مرضى قصور الغدة الدرقية ومرضى الاكتئاب بسبب دواهم.
تخيل نعمة ربنا عليك انك بتاكل عادى وتهضم عادى وغيرك بيحس بكل لقمة بتنزل فى جوفة وبيحس بحركتها وساعتها ارجوك تحمد ربنا على نعمته عليك .
طيب الحل ؟
اشهر ٣ نباتات اتعمل عنهم دراسات فى مرض ضعف عضلات المعدة هى الزنجبيل و النعناع وخضار جميل ورائع اسمه الخرشوف .
حيث يساهم الزنجبيل في خفض مستويات السكر في الدم، وتعزيز صحة مريض السكري بشكل عام، وينصح لمريض السكري بعدم تجاوز تناول 4 جرام من الزنجبيل يومياً حتى لا تصبح الأثار عكسية, يذكر أن الزنجبيل مصدر للألياف الغذائية فتناوله يساهم في تليين حركة الامعاء وتسهيلها وعلاج التلبكات المعوية. كما وجد بان الزنجبيل يساعد في الوقاية من قرحة المعدة عن طريق زيادة المخاط المفرز فيها ووقاية جدارها الداخلي.
النعناع يعمل على زيادة افراز ونشاط الغدد اللعابية والانزيمات الهاضمة مما يساعد الجهاز الهضمي في عملية الهضم، ويساعد في علاج حالات عسر الهضم.
ومن فوائد النعناع أنه مهدىء لالام المغص ولتهدئة تقلصات المعدة، ويساعد في التغلب على الحموضة ويتخلص من انتفاخ البطن.
استهلاك الخرشوف يقلل من فرص وجود السالمونيلا فى الأمعاء, ويسهل الإنتاج الفعال للصفراء ويحافظ على صحة الأمعاء . كما يزيد تركيز حمض الصفراء بمرور الوقت مما يساعد على امتصاص المواد المغذية والأحماض الدهنية الأساسية. الخرشوف يحسن من عسر الهضم وتخفيف أعراضهم من متلازمة القولون العصبى. ويعمل على تقليل الإمساك .
نصيحتى لمريض ضعف عضلات المعدة عليك وعليك الخرشوف خضار كل يوم والله هتحس بتحسن غير عادى .
شير لغيرك وعرفه إن شاى النعناع مع الزنجبيل هو ساحر لتحريك المعدة الساكنة ويالتالى التخلص من شعور الغثيان و القئ .
0 تعليقات