عارفين الميزة فى العسل ايه انه المنتج الوحيد اللى بيصنعه مغيرش طريقة تصنيعه من ١٥٠ مليون سنة .النحلة عشان تنتج كيلو عسل تقريبا بيكون من حصاد ٦ مليون من نكتار الأزهار .النحلة طول فترة حياتها بتعمل نص ملعقة شاى من العسل يعنى أنت وانت بتشرب ملعقة العسل الصغيرة لازم تعرف انه مجهود حياة كاملة لنحلتين .ملكة النحل بتعيش حتى ٥ سنوات وهنبقا نشرح السر فى ذلك فى حين عامة الشعب من النحل من ٥ ل ٧ أسابيع حد أقصى .
العسل بيختلف من نوع لتانى طبقا لمصدره النباتى يعنى أزهار عباد الشمس غير البرسيم غير الموالح غير شجرة السدر وهبقا أشرح القصة دى تفصيليا لأن فيه التباس عظيم لدى الناس أصل عشان تكون عارف معلومة بس العسل الجبلى كتل متحجرة زى أحجار الجبال مش سايلة أصلا فالله يباركلك عسل السدر مش عسل جبلى ولا العسل الجبلى عسل سدر .
كقاعدة عامة كل مايكون العسل غامق كل مايكون نسبة مواده المضادة للأكسده عالية كل مايكون قدرته فى منع المصايب و الأمراض والسرطانات أعلى .
العسل منشط رهيب عشان كده بيشربه الرياضين فى المارثون بيدى طاقة سريعة وقوية بميزة رهيبة بيمنع ان الغدة الكظرية تنتج زيادة من الكورتيزول اللى بياكل عضلاتك وغضاريفك وشرايينك وبينيم جهاز المناعة .
شير لغيرك واحنا داخلين على مدارس ومرض الأطفال بيزيد ملعقة صغيرة كل يوم للطفل فى فمه هيقوى مناعته وهيمنع تعب صدره و لوزه وهيديلو نشاط طول اليوم الدراسى .
دمتم بصحة ❤️
الدكتور أحمد أبو النصر
0 تعليقات