هو أنا ليه مينفعش انام الا فى الضلمة وهل النوم في الاضاءه مضر
لازم تعرف مبدأيا انك عندك ٣ عيون وليس فقط عيونك الاثنين اللى بتشوف بيها .
فيه عين مهمة جدا فى دماغك إسمها الغدة الصنوية pineal gland وهى واحدة من ثلاث غدد موجودة بالدماغ بعد تحت المهاد والغدة النخامية وهبقا اكتب مقالات متفردة فى قصة غدد الدماغ اصل الموضوع ده كبير وشيق وعجيب وكل ماتتبحر فيه اكتر تعرف عظمة الخالق أكتر وأكتر متنساش إن التفكر والتأمل عبادة..
المهم عندك فى دماغك غدة اسمها الغدة الصنوبرية قد حباية البسلة الغدة دى فيها أنسجة بتحس الضوء وتشوفه زى عينيك بالظبط أن الظلام حل بتنتج هرمون اسمه هرمون الميلاتونين اللى بيخليك تنام وبيرفع من كفاءاتك الجنسية جدا و بيخليك تحس بثقة فى النفس . لو قل بيتسبب فى حدوث الإكتئاب و تحس بالبرد جدا ومشاكل بشبكية العين .
المهم أنت عشان تنام الغدة الصنوبرية بتاخد السيرتونين اللى هوه الناقل العصبى بتاع الإكتئاب وتحوله لميلاتونين بليل فتنام تقوم الصبح تحس بسعادة مع شروق الشمس بسبب ان هرمون الميلاتونين اتحول لسيراتونين بتاع الإكتئاب وهكذا .
ان انت نمت الاضاءه مفتوحة لازم الشقة كلها تكون خرمس ظلام دامس ان انت نمت والنور مفتوح مفيش ميلاتونين هيطلع لأنه مبيطلعش الا بالظلمة وهيحصلك إضطراب وضرر بكل غدد جسمك وكبدك وأعصابك وعينك.
ولذلك أوعى تنام أبدا والاضاءه مفتوحه شير لغيرك وقول للناس وَجَعَلْنَا نَوْمَكُمْ سُبَاتًا وَجَعَلْنَا اللَّيْلَ لِبَاسًا وَجَعَلْنَا النَّهَارَ مَعَاشًا اطفو النور .
بالمناسبة الكريز واحد من أغذية الميلاتونين .
الدكتور أحمد أبو النصر
0 تعليقات