سؤال أنت بتثق فى الدنمارك تفتكر لو كوبنهاجن هتتزل دراسة هيخطأو فيها أو يكون ليهم مصلحة أو توجه فيها
اللبن هل هو حقا سام ؟
فى دراسة مطولة بالدنمارك أثبتو بالدليل العلمى الذى ليس به شك ولا جدال أن هرائات البعض عن اللبن أنه مسبب للسمنة ومشاكل القلب والأوعية الدموية والسكر من النوع التانى ولا هشاشة العظام هى عارية تماما من الصحة والعلم, للاطلاع على الدراسة من هنا.
بالعكس شربى للبن مفيد فى :
١- بيمنع سمنة الأطفال .
٢- بيقلل من فرص حدوث السكر لدى الكبار .
٣- بيقلل فرص حدوث الجلطات لدى مرضى القلب والأوعية الدموية .
٤- بيزود كثافة العظام والأسنان وبيقويها .
٥- بيمنع حدوث انواع معينة من السرطانات زى سرطان القولون والمثانة والمعدة والثديين .
ملخص الدراسات بتقول ان انت حتى من ٢٠٠ ل ٣٠٠ مللى لبن فى اليوم معندكش اى ضرر على جسمك بالعكس صحيا أنت محتاجه لو انت مريض ضغط ولا تذبذب اذينى بالقلب ولا سكر خوفا من حدوث جلطة عندك ومحتاجه بعد سن الثلاثين بإنتظام عشان هيمنع حدوث السكر ليك دا غير ان مينفعش اى ست ابدا تماما بعد انقطاع الطمث متشربش كوباية اللبن كل يوم عشان لايجلها هشاشة عظام ولا يجلها سرطان ثدى .
حلو فى السوشيال ميديا بيقولو ان انتشر فيديوهات زى ما الدراسة كاتبه ان اللبن خطر على الصحة اصل فيه هرمونات وكلام غيرصحيح .
شوف لو اللبن فيه هرمونات العجل هياخد الهرمونات ازاى ؟ يعنى بطرقتين ملهمش تالت يا الحقن يا أكله هرد عليك وأقولك ان الهرمونات تروح كمان للحمة او تكون بالجبنة برضه أو الزبادى يبقى ياسيدى لا تاكل جبنة ولالحمة ولازبادى ولازبدة ولاسمنة ولاجلاتين ولاكولاجين ولاتشرب لبن يالى عمال تقول للناس نظام كيتونى ايه هتعملهم نظام كيتونى من غير جبنة من غير زبدة من غير سمنة بطلو اشاعات بقا اتكلم بالعلم يابيه .
لمعرفة ما هو النظام الكيتوني اقرأ الموضع كاملا هنا.
و الشئ التانى ياجماعة أنا فلاح دقهلاوى واحب اعرفكم على نقطة مهمة جدا اقسم بالله العظيم الفلاح بيخاف ع البقرة بتاعته اكتر من نفسه ومن عياله ولو عيت بيوديها للدكتور ولو عيا هوه مبيروحش للدكتور لأن دى مصدر اكل عيشه هوه وعياله وميقبلش ابدا يديها هرمونات ولا أى شئ مضر والله ياخد الشئ المضر هوه ولا يديها لبقرته انتو متعرفوش ارتباط الفلاح بجاموسته ولابقرته زى انا عشت معاهم واعرف الكلام ده .
متبقاش مروج اشاعات وعشان اريحكم كمان شركة زى جهينة مثلا عاملة نقاط لتجميع اللبن من الفلاحين وبيشترو اللبن منهم ودا مصدر دخل لأسر .
شير لغيرك واشرب كوباية لبن كل يوم وشرب الواد عشان يكبر بعد سنة من عمره ويشرب لبن امه فى أول سنتين من عمره وسيبك من الهبل والإشاعات الدليل عندك بأول تعليق ولو أنت عندك حساسية من سكر اللبن كل زبادى وجبنه مش هتتعب اللبن مهم لصحتك انت وعيالكم .
تجنب اللبن النباتى للأطفال تحت سن الخمس سنوات ويفضل الحيوانى طبقا لسى ان ان ...
الخبر هنا
كتب : الدكتور أحمد أبو النصر
0 تعليقات