من سنين طويلة وارتبطت قصة حب بين الناس والورد الناس بيحبوه عشان منظره الرائع وريحته العطرة.
الورد الإيرانى هوه رقم واحد على مستوى العالم لأنهم متفردين بزراعة نوع من الورد إسمه الورد الدمشقى .
واحنا بنستخلص الزيت الطيار لأى نبات فى الدنيا وعشان بس تعرف قيمة الزيت الطيار للنبات لو كيلو النبات طلعلنا ٣٠ مللى اللى هوه تقريبا ٢ ملعقة كبيرة دا يبقى إنجاز كبير . المهم فى عملية الإستخلاص بنستخدم البخار فطبيعى جدا بعد تكثيف البخار ده يكون شايل بواقى زيت جواه بغض النظر عن الزيت نفسه الصافى .
ماء الورد نسبة زيت الورد فيه تتراوح من ١٠٪ حتى ٥٠٪ ودا بيت القصيد لأنه الفايدة فى الزيت وبالمناسبة بيتشرب عادى مش تجميل بس واسمع الفوايد .
١- تأثيره على دماغك :
مسكن منوم مضاد للتوتر والقلق والإكتئاب رائع حتى لو شميته المواد الفعالة بتروح الجهاز العصبى المركزى عن طريق الشم وتجيب نتيجه برضه الهدف من ده ايه بخروه فى البيت العيال هتهدى وهتبطل تضرب بعض وانت مش هتطلق مراتك .دا غير ان الدرسات اللى اتنشرت عنه فى ٢٠٠٨ بتقول لو شميته واستهلكته بإنتظام مش هيجيلك خرف الشيخوخة الزهايمر .
٢- مخفض لضغط الدم .
٣- مضاد للفيروسات .
٤- مضاد للبكتريا الممرضة زى البكتريا المسببة للجلطات .
٥- مضاد للإلتهاب زى إلتهاب المفاصل و الظهر .
٦- ملين لطيف جميل للأمعاء.
٧- بيمنع السمنه بيمنع هضم الدهون .
٨- بيعالج إرتجاع المرئ .
٩- علاج جذرى لجفاف العين .
دى معظم الدراسات اللى اتنشرت عن فايدة ماء الورد الصحية و هعملكو بوست عن فوايده التجميلية لاحقا .
زمان كانو اهلينا بيشربونا الميه بماء الورد لأنهم كانو بيعرفو فايدتها ملعقة صغيرة على ٥ ليتر ماء واشرب واستمتع وحول الميه لدواء .
شير لغيرك فوايد الورد .يابدع الورد الورد ياجماله .
دمتم بصحة ❤️
الدكتور أحمد أبو النصر
0 تعليقات