اهم الكتب التى يحتاجها طلبة البيولوجيا في الجامعات العالمية
تفتكر ايه أكتر كتاب بيستخدموه طلبة البيولوجيا ف الجامعات العالمية ؟
الطلبة اللي بيدرسو علم اجتماع في هارفارد بيذاكرو منين ؟
واحدة من أهم الموضوعات اللي بتشغل أي واحد بيحب يتعلم هوا المنهج syllabus اللي هيحتاج يمشي عليه لما يحب يذاكر بشكل مستقل عن شغله أو دراسته، هنا بييجي دور مستكشف المناهج الدراسية اللي اصدرته open syllabus، علشان يعرفك عن المراجع اللي انتا محتاجها علشان تتعلم ميكانيكا كم مثلا أو بيولوجيا تطورية أو تاريخ حديث أو علم اجتماع ، دا أول باحث من نوعه ف الحتة دي، هيجاوب على كل أسئلتك،
و هيرشح دايما ليك أكثر الكتب رواجا بين مجتمع الطلبة الجامعيين في كل العالم عن طريق Rank لكل مرجع بيعبر عن مدى رواجه، و ده هيبقا مفيد للطلبة اللي ماشيين في كورسات جامعية او خاصة بأي شكل و مش عاجبهم كتبهم بتاعت القسم، بصة على المستكشف الجديد هترشحلهم افضل و اشهر الكتب
واحدة بواحدة بيبقا الموقع دا قبلة كل اللي بيحاولو يعلمو ذواتهم، و اللي بيدورو على ترشيحات كويسة ، لأن أهم شيء لما تحب تتعلم حاجه هوا انك تعرف منهج و تمشي عليه، قريبا جدا هيبقا قدامك كل مناهج العالم ف كل التخصصات، و ده انجاز جديد للتعليم المفتوح
من هنا: http://goo.gl/A81muV
كتب
شادي عبدالحافظ
0 تعليقات