كتب: الدكتور أحمد أبو النصر
شوف لكل قاعدة شواذ دايما. حمض المعدة ربنا خالقه انه مش بس يهضملك الأكل ويستخرجلك المعادن الثمينة منه لادا كمان ليه وظيفة محورية جدا هيه تنضيف أكلك من الدخلاء زى البكتريا والفيروسات والفطريات المعدة شبه الطاسه السخنة نار ينزل فيها الأكل حتى لو فيه عدوى المعدة بحمضها بتنضف الأكل ده تماما ودا واحد من أسباب كرهى الشديد للأدوية المضادة لحمض المعدة.
وذلك لأنها بتوقف الحمض لفترة طويلة كفيلة أن الأكل يعفن فى بطنك وهنا الدخلاء مش هيسبوك هيدخلو على جسمك وكليتك وكبدك ومش هيسيبو فيك حتى إلا مايصيبوها . المهم يبقى قوة حمض المعدة ودى خط الدفاع التانى فى جسمك بعد اللوز من قوة المناعة ان ضعف حمض المعدة انت كده بتضعف المناعة لأنك هتخليها تشتغل اكتر من طاقتها .
المهم قولنا لكل قاعدة شواذ حمض المعدة يامؤمن بيقتل كله إلا جرثومة المعدة حمض المعدة بالنسبة ليها جزء من حياتها من غيره تموت ربنا خالقها انها تتكيف معاه وتنشط معاه جدا .
ولذلك فى البروتوكول الثلاثى بتلاقى دايما بيحطو معاه دواء لوقف حمض المعدة عشان يقدر المضاد الحيوى يوصلها ولذلك ايضا نصيحتى ليك ان فى الوقت اللى انت هتقتل فيه جرثومة المعدة سواء استخدامك المضادات الحيوية ولا حتى الزعتر والمستك ولا حتى كلاهما انك تتجنب تماما الموالح زى الليمون والبرتقال وخل التفاح والسكريات لأنهم بيزودو الحمض بتاع المعدة أنت كده مش هتخلص ويستحسن إستخدامك لبيكربونات الصوديم أفضل طبعا لأن فى الدقايق اللى فيها البيكربونات بيقلل الحمض بيكون الدوا قتل الميكروب الحلزونى قبل مالمعدة ترد على البيكربونات وترفع الحمض تانى وبكده انت استفدت من الحسنيين .
قللت الحمض لفترة قصيرة كافية لقتل الميكروب الحلزونى ومقفتوش فيحصلك اضطراب بالهضم والأكل يعفن يبهدلك .
الحموضة بيكون مصاحب ليها نقص فى حمض المعدة احنا عاوزين نزود الحمض مش ننقصه عشان صمام المعدة فتحت الفؤاد يقفل و فى نفس الوقت عاوزين نرتاح من اعراض الإرتجاع اللى هوه من أسبابه نقص حمض المعدة .
بيكربونات الصوديم أول مابتخدها بتشيل بواقى الحمض ع المرئ وتريحك تنزل المعدة بتتفاعل مع الحمض الموجود وتقلله عشان كده بتتجشأ أو مابتشرب بيبسى نتيجة تفاعل البيكربونات مع الحمض بيطلع غاز ثانى أوكسيد الكربون المعدة مابتسكتش رد فعلها انها تزود الحمض فيقفل صمام فتحة الفؤاد فترتاح يبقى الأول حصل انخفاض مؤقت ريحك اعقبه ارتفاع قفلك الصمام ومنع الارتجاع طبعا الوضع ده ممتاز جدا لو سبب الحموضة اكله دسمة ودسمة يعنى اكله فيها دهون كتير وحط تحتها ميت خط لانى هشرحها فى اللى جاى بالتفصيل علاقة الدهون بحمض المعدة ولكن مع وجود السبب قائم زى العدوى بالميكروب الحلزونى ولا استخدام المسكنات الخ الموضوع هيكون علاج عرض مش علاج سبب زى فوار الرانى بالظبط تابع البوستات وانا بشرح التفاصيل ازى تعالج السبب بالتوازى مع علاج العرض .
هل انا اما بشرب بيكربونات الصوديم بتقلل حمض المعدة الإجابة نعم طبعا بس الكلام ده مش فى حمض المعدة اللى فى المعدة الكلام ده لو اخذت حمض المعدة وفاعلته مع بيكربونات الصوديم فى أنبوبة الإختبار مش المعدة .
بيكربونات الصوديم بتزود حمض المعدة مش بتقلله ولو كانت بتقلله عمر ما كان حد ابدا شرب السفن اب عشان يهضم كان هيكون العكس مباشرة هتسؤ الهضم .
وانت بتاخد البيكربونات اللى بيحصل انها بتتفاعل مع الحمض والأبخرة بتاعته اللى بتكون على المرئ وبتعمل إلتعاب بالمرئ و أول مابتنزل المعدة وبتتفاعل مع حمض المعدة وتقلله بتقوم ترد المعدة انها تزود حمض المعدة بعد كده باللى بنسميه عندنا فى الطب ارتفاع الحموضة المنتعشة ودا بيكون بسبب رد فعل خلايا المعدة على استخدامك البيكربونات .
جميل يبقى خلاصة النقطة دى إن استخدامك البيكربونات بيقلل حمض المعدة وقتى لكن بيرجع يرفعها تانى كرد فعل طبيعى من نسيج المعدة فتزيد حموضة المعدة ولا تقل عن الأول مثلما اعتقد البعض فيقفل صمام فتحة الفؤاد .
حلو يعنى لو عندى حموضة اعمل ايه زى ماشرحنا سابقا نص ملعقة صغيرة من بيكربونات الصوديم على ربع ليتر ماء .
ا
الماء ممكن يكون ماء منقوع فيه زنجبيل أو شمر أو كلاهما ولكن لو مش متاح مفيش مشكلة خليها ميه وخلاص شوفو ياجماعة عشان لو أنت برا البيت تقريبا قزازة الميه المعدنية الصغيرة هتحط عليها ملعقة صغيرة .
بيكربونات الصوديم بتزود حمض المعدة مش بتقلله ولو كانت بتقلله عمر ما كان حد ابدا شرب السفن اب عشان يهضم كان هيكون العكس مباشرة هتسؤ الهضم .
وانت بتاخد البيكربونات اللى بيحصل انها بتتفاعل مع الحمض والأبخرة بتاعته اللى بتكون على المرئ وبتعمل إلتعاب بالمرئ و أول مابتنزل المعدة وبتتفاعل مع حمض المعدة وتقلله بتقوم ترد المعدة انها تزود حمض المعدة بعد كده باللى بنسميه عندنا فى الطب ارتفاع الحموضة المنتعشة ودا بيكون بسبب رد فعل خلايا المعدة على استخدامك البيكربونات .
جميل يبقى خلاصة النقطة دى إن استخدامك البيكربونات بيقلل حمض المعدة وقتى لكن بيرجع يرفعها تانى كرد فعل طبيعى من نسيج المعدة فتزيد حموضة المعدة ولا تقل عن الأول مثلما اعتقد البعض فيقفل صمام فتحة الفؤاد .
حلو يعنى لو عندى حموضة اعمل ايه زى ماشرحنا سابقا نص ملعقة صغيرة من بيكربونات الصوديم على ربع ليتر ماء .
ا
الماء ممكن يكون ماء منقوع فيه زنجبيل أو شمر أو كلاهما ولكن لو مش متاح مفيش مشكلة خليها ميه وخلاص شوفو ياجماعة عشان لو أنت برا البيت تقريبا قزازة الميه المعدنية الصغيرة هتحط عليها ملعقة صغيرة .
شير لغيرك الخلاصة بيكربونات الصوديم و الزعتر والمستكة دواء شافى ونهائى للحموضة المزمنة .
0 تعليقات