علاج جرثومة المعدة بالاعشاب مجرب
شوف واحد من أسباب الحموضة المزمنة و قرحة المعدة بعد المسكنات الإصابة بالميكروب الحلزونى والميكروب الحلزونى أو جرثومة المعدة بغض النظر انها بتعمل مشاكل فى المعدة لا دا كمان فيه أنواع منها ممكن تعمل التهابات بالقولون و بعض أمراض المناعة الذاتية زى نقص الصفائح الدموية المناعى دا غير إن مينفعش مريض إلتهاب وحساسية الجيوب الأنفية إلا ويعمل تحليل الميكروب الحلزونى لأنه سبب رئيسى فى الأصابة بمشاكلها.
كل الميكروبات حمض المعدة بيقتلها إلا ابن الذين
الميكروب الحلزونى ده بيتغذى ع الحمض بتاع المعدة فإذا زاد حمض المعدة نعنشته وفرفشته وجاله عيال يعيشو فى تبات ونبات ويخلفو صبيان وبنات .
فمن الأخر أعمل حسابك إنك لو أنت فاكر يعنى إنك ناوى تاخد مضاد حيوى يقتل الميكروب الحلزونى ولا حتى إستخدمت اى طريقة طبيعية زى الزعتر والمستك بدون مانت تقطع فى أكلك الأكل اللى بيزود حمض المعدة فأنسى انك تتخلص منه هيفضل ملازمك حتى النهاية .
ج
طيب نعمل ايه؟ هنا علاج جرثومة المعدة بالاعشاب المجرب
١-السكر :
لازم تقطع السكر لأن السكر بيستفز إفراز الإنسولين والأنسولين من ضمن وظايفه زيادة حمض المعدة بالمناسبة عندنا لستة من الأغذية بتزود الأنسولين جدا فبتزود حمض المعدة يتربع الموز عليهم عشان كده اللى عندهم مشاكل فى المعدة اما تديله موزه كأنك اديته صاروخ فى مريئه .عكس مين بقا اللى بيقلل الأنسولين فبيقلل حمض المعدة الجميل ابن الجميل زيت الزيتون .
٢-الحوامض والموالح :
الليمون البرتقال اليوسفى وضيف عليهم الخل مينفعش لو أنت ناوى تقتل الميكروب الحلزونى انك تستهلكهم وخل بالك الأغذية دى صحية ومش ضارة إلا فى حالة إصابة المعدة فقط بالجرثومة المعدية .
شير لغيرك محدش يعرف الكلام ده عشان تصين معدتك مستكة وزعتر وابعد عن السكر والليمون والحوامض .
دمتم بصحة
كتب : الدكتور أحمد أبو النصر
0 تعليقات